‎Umusifuzi Nsengiyumva Jean Paul, wasifuraga ku ruhande  yahagaritswe amezi 12 nyuma yo kugaragaraho imyitwarire idahwitse, irimo no gukubita umugeri myugariro wa Mukura VS witwa Mbonyamahoro Serieux, mu gihe cy’umukino.

‎Uretse icyo gihano, yahawe n’igihano cy’inyongera cyo kudasifura imikino itanu bitewe n’uko atayoboye umukino uko amategeko abiteganya.‎

‎Ni mu gihe, Nshimiyimana Rémy Victor wari umusifuzi wo hagati muri uwo mukino, na we yahagaritswe imikino itanu azira imiyoborere itanyuze Komisiyo ishinzwe Imisifurire.   KNC yasabiye umusifuzi kwirukanwa burundu mu mupira w’u Rwanda

‎Raporo igaragaza ko uyu musifuzi yakoze amakosa akomeye arimo gutanga penaliti ebyiri zitari zo ku ikipe ya Rutsiro FC, ndetse n'uko atabashije gutuma umukino ugenda neza nk’uko bisabwa.

‎Izi ngamba zafashwe nyuma y’inama ya Komisiyo ishinzwe Imisifurire yateranye ku wa Mbere, tariki ya 4 Gicurasi 2026, isuzuma uko imikino yo ku munsi wa 29 ya BK Pro-League yagenze, by’umwihariko uwabereye i Huye wahanganishije Mukura VS na Rutsiro FC bikarangira Rutsiro FC ikuye i Huye amanota atatu itsinze ibitego 2-1.

‎Komisiyo yemeje ko yifashishije amategeko agenga abasifuzi mu Rwanda, raporo ya komiseri w’umukino ndetse n’amashusho yafashwe, hagafatwa imyanzuro igamije kubungabunga ubunyamwuga no kutabera  mu gusifura.

‎Ibyo Byagaragajwe ko imyanzuro yafashwe ishingiye ku ngaruka amakosa ya tekiniki yagize ku musaruro w’umukino, bituma abafatiwe ibihano baryozwa ibyo bakoze.

Nsengiyumva Jean Paul( Ubanza uhereye ibumoso) yahagaritswe umwaka