Kinyarwanda
English
Swahili
&format=webp)
&format=webp)
U Rwanda na Misiri baganiriye ku gushimangira ubufatanye mu nzego zitandukanye
Ambasaderi w’u Rwanda muri Misiri, CG Dan Munyuza, yagiranye ibiganiro n’Umunyamabanga Wungirije wa Minisiteri y’Ububanyi n’Amahanga ya Misiri ushinzwe ibihugu bya Afurika, Amb. Mohamed Abo Bakr Saleh, baganira ku gushimangira ubufatanye hagati y’ibihugu byombi.
Muri ibi biganiro byabaye hagati y’impande zombi, hibanzwe ku kureba uko ubufatanye busanzwe buri hagati y’u Rwanda na Misiri burushaho gutezwa imbere mu nzego zitandukanye.
Impande zombi zanasuzumye uko hashyirwa mu bikorwa amasezerano y’ubwumvikane (MoUs) ibihugu byombi byagiranye, hagamijwe ko ayo masezerano arushaho gutanga umusaruro mu guteza imbere umubano n’iterambere ry’ibihugu byombi.
U Rwanda na Misiri bisanzwe bifitanye umubano mwiza mu bya dipolomasi, ubucuruzi ndetse n’izindi nzego zitandukanye, aho abayobozi b’ibihugu byombi bakomeje gushimangira ubufatanye mu guteza imbere inyungu z’abaturage babyo.
Ibi biganiro byitezweho gukomeza gutanga umurongo ku buryo bwo kurushaho kwagura no gushimangira ubufatanye hagati y’u Rwanda na Misiri mu bihe biri imbere.
