Ishyaka riharanira Demokarasi n’iterambere, CHADEMA basohoye itangazo ryamagana ibyatangajwe na Komisiyo y’Igihugu y’amatora yashyize hanze amajwi yavuye mu matora yo ku wa 29 Ukwakira 2025. Perezida Samia Suluhu yagize 98% mu gihe CHADEMA yatanze itangazo rigenewe abanyagihugu rishimangira ko nta matoro yabaye muri Tanzania.

Ni itangazo riri mu rurimi rw’Igiswayile ryanyujijwe ku mbuga nkoranyambaga za CHADEMA ko muri Tanzania nta matora yabaye ahubwo habayeho ubujura no kubuza abatavuga rumwe na CCM kwiyamamaza bitewe n’uko nta bwisanzure mu bya politiki buri mu gihugu.

Si CHADEMA hari abadepite bo muri Komisiyo y’Uburayi basinye ku itangazo rihamagarira abanyatanzania kwimakaza ihame rya Demokarasi.

Perezida Samia Suluhu yatsinze amatora nta we bahanganye ufite imbaraga bitewe n’uko Tundu Lissu yafunzwe muri Mata 2025 akaba ari gushinjwa kugambanira igihugu, icyaha kiramutse kimuhamya yahabwa igihano cy’urupfu.

Undi munyapolitiki ufite imbaraga ni Luhaga Mpina wo muri ACT-Wazalendo nawe utaremerewe kwiyamamaza bitewe nuko hari ibyo atari yujuje.

KURIKIRA UBUSESENGUZI