Umuraperi Drake uri mu beza isi yagize mu binyacumi bibiri bishize yashyize hanze ingengabihe y'ibitaramo azakora bizenguruka isi yamamaza album ye yise 'Iceman' ashyiramo na Kigali. 

Impapuro zamamaza ibitaramo yise 'Drake Freeze The World Tour' hariho ko azatamira I Kigali ku wa 10 Gashyantare 2027.

Ku itariki 8 Mutarama 2027 azataramira I Capetown muri Afurika y’Epfo. I Johannesburg azahataramira ku itariki 9 Mutarama 2027. Azahita yerekeza I Lagos ku itariki 16 Mutarama 2027.

Misiri azayitaramiramo ku itariki 23 Mutarama 2027 mu murwa mukuru wa Cairo. Kuri uwo munsi azanataramira muri Morocco I Marrakech. 

Muri icyo gihugu azahakorera ibitaramo bibiri kuko ku itariki 26 Mutarama 2027 azaba ari I Casablanca. 

Nava I Kigali azerekeza I Nairobi muri Kenya ku itariki 13 Gashyantare 2027. I Luanda muri Angola azabataramira ku itariki 15 Gashyantare 2027 akomereze I Abidjan ku itariki 17 Gashyantare 2027.

 Ku ngengabihe y'ibitaramo a akorera muri Afurika hariho na Dar es Salaam ndetse azabisoreza I Gaborone ku itariki 24 Gashyantare 2027.

Drake amaze imyaka 16 ari icyamamare. Ahora ashimira Lil Wayne wamufashije kwamamara binyuze muri Young Money Entertainment yinjiyemo mu 2009. Drake afite Grammy Award 5 mu nshuro 50 yahatanye.

 Kuva mu 2023 ntabwo Drake yongeye gutanga ibihangano bye muri Recording Academy kugirango ibihangano bye bihatane.

Drake yafashije Tems gutsindira Grammy Award mu 2023 ku ndirimbo yitwa 'Wait for U'bafatanyije na Future.

Drake niwe muhanzi wanditse amateka mu kiragano gishya cy'ubucuruzi bw'indirimbo zicuruzwaho imiziki 'Streams' aho yumviswe na miliyari 130 kuri Spotify. 

Akubye kabiri abo bahangage mu kumvwa ku mbuga zicuruzwaho imiziki. Iminsi 96 ya 2026 yumviswe na miliyari 5 kuri Spotify kandi nta gihangano cyangwa se album yashyize hanze.

Niwe muhanzi ufite indirimbo 300 zagejeje miliyoni 100 kuri Spotify. Kuri Spotify yumvwa na miliyoni 88.74 bamwumva buri kwezi.

Muri Mata 2026 hari umunsi umwe yumviswe na miliyoni 56 kuri Spotify. Billboard yamugaragaje nk'umuhanzi w'ikinyejana cya 21 mu bakora R&B,Hip Hop kuva 2000 kugeza mu 2024.

Drake mu 2016 yakoranye na Wizkid indirimbo yitwa'One Dance' yamamaye cyane ikanamara igihe kuri Billboard Hot 100. Bongeye bakorana indirimbo yitwa 'Closer'

Yatumye Wizkid amenyekana muri Amerika no mu Burengerazuba bw'isi. Nyuma Wizkid yujuje 02 Arena muri Gicurasi 2018, no mu kwakira 2019 yongera kuyuzuza. Niwe muhanzi wo muri Afurika wanditse ayo mateka bwa mbere.

Wizkid yanaharuriye inzira bagenzi be mu gitaramo cyo mu 2019 aha umwanya Tiwa Savage,Fireboy DML,Burna Boy, Naira Marley, Oxlade bose bizihije ijoro ry'iterambere rya Afrobeats.