Ishami ry'Umuryango w'Abibumbye rishinzwe kwita ku mpunzi UNHCR, rikorera mu Gihugu cya Tanzania, rivuga ryasubukuye igikorwa cyo kubarura impunzi zufuza gutaha ku bushake mu impunzi zo zivuga ko Leta ya Tanzania ishaka kuzicyura ku gahato nyamara UNHCR ivuga ko yasubukuye icyo gikorwa cyo gucyura impunzi yijejwe na Leta ya Tanzania ko icyo gikorwa kigiye guhabwa umurongo nkuko byatangajwe na BBC .

Nubwo UNHCR yari yahagaritse kwandika impunzi zishaka gutaha bitewe ku mpungenge zatewe n'ibikorwa byo guhohotera impunzi z'Abarundi ziri mu nkambi ya Nduta mu Gihugu cya Tanzania. UNHCR ivuga ko ku bufatanye n'abafatanyabikorwa ryita ku buzima OMS ndetse n'Ishami ry'Umuryango w'Abibumbye ryita ku biribwa PAM, ikomeje gufasha impunzi kubona aho kuryama, kubona amazi meza, ibikoresho by'isuku n'imfashanyo y'ibiribwa ku mpunzi ziri mu nkambi za Nduta na Nyarugusu.

Impunzi z'Abarundi zivuga ko zihohoterwa ndetse bamwe muribo bakubitwa, zinavuga ko zidahabwa amazi amazi meza n'ibiribwa ndetse aho zicumbikiwe hagaragara umwanda kandi hari ubucucuke.

Izo mpunzi zivuga ko aho gukangurirwa gutaha ku bushake zihatirwa gutaha ku gahato. Leta ya Tanzania yamaze umwanzuro wo gucyura impunzi z'abarundi kuburyo muri Nyakanga uyu mwaka nta mpunzi ikomoka mu Burundi izaba ikibarizwa ku butaka bwa Tanzania. Mu nkambi za Nduta Nyarugusu zonyine zibarizwamo Abarundi barenga 5,000 bahahungiye.