Ni urutonde rwagiye hanze ku wa Kane tariki 23 Mata 2026. Uru rutonde rusanzwe rukorwa hafashwe amanota amakipe yakusanyije mu myaka nibura itanu ariko Nta kipe n’imwe y’u Rwanda iri mu makipe 50 meza usibye Al Hilal SC na Al Merrikh SC zo mu gihugu cya Sudani ariko zikina Shampiyona y’u Rwanda.

Iyi kipe ya Al Hilal SC iri ku mwanya wa 9 kuri Uru rutonde rw’amakipe meza yo ku mugabane w’Afurika. Al Hilal SC kuza aya makipe byatewe ni uko imaze imyaka itari myinshi yitwara neza mu mikino Nyafurika. Iyi kipe iheruka kugera muri 1/4 cya CAF Champions League ari naho yakuye amanota menshi. Naho Al Merrikh SC yo iri ku mwanya wa 38.

Uru rutonde ruyobowe na Mamelodie Sundowns yo muri Afurika y’epfo yegukanye igikombe cya CAF Champions League Saison ya 2023/2024. Iyi kipe kandi yageze ku mukino wa nyuma muri iyi Saison ya 2025/2026, ndetse irahabwa amahirwe menshi yo kwisubiza CAF Champions League.

Ikipe iri ku mwanya wa Kabiri ni Al Ahly SC ifite CAF Champions League inshuro nyinshi, naho Pyramids FC iheruka kwegukana iki gikombe iri ku mwanya wa 6 inyuka ya RS Berkane Zamalek n’izindi. Ikipe zibarizwa mu bihugu duturanye harimo Young Africans, Simba SC, Azam FC ndetse n’izindi.