Umuhanzikazi wo muri Uganda Sheebah Karungi yamaze ibyumweru bitatu yivuza indwara y’umutima mu gihugu cy’u Buhinde. Sheebah Karungi abinyujije ku mbuga nkoranyambaga yanditse ko ashimira Imana yahabaye. Ati”Ibyumweru bitatu mu Buhinde,ubu ndi mu rugo n’umutima ushima Imana.icyatangiye ari urugendo rwo kwibagisha byarangiye bihindutse ibimenyetso byo guhamya imbaraga z’Imana.”

Sheebah Karungi umwaka yubatsemo inzu niwo yashatse kwiyahura

Sheebah yavuze ko kuba yaragarutse ari muzima abikesha imbaraga z’isumbabyose. Hari abantu benshi bamusengeye, hari abamubaye hafi ndetse n’abamwandakiye igihe yari kwa muganga. Hari kandi abajyanye nawe mu Buhinde kwivuza umutima bose yarabashimiye. Sheebah Karungi yavuze ko ashimira umuhungu we kuko ari igisobanuro cyo guhora akorana imbaraga ashaka iterambere.