Ni ibirori byabaye ku wa Gatandatu tariki ya 27 Nzeri 2025, ariko nyirizina abo bombi bakabitangariza isi neza kuri iki cyumweru ku wa 28 nk’umuryango wabaye umwe babinyujije ku mbuga nkoranyambaga zabo aho Benny Blanco yatunguye benshi ubwo yasangizaga abamukurikira amafoto y’ubwo bukwe bwabo ku rubuga rwe rwa Instagram agakurikizaho amagambo avuga ko yashakanye n’umwamikazi wo mu buzima nyabwo.

Yagize ati “Nashakanye n’umwamikazi wo mu buzima nyabwo ukina filime za Disney”

Ni ubukwe bwabereye i Santa Barbara muri California mu busitani bwaho, bwitabirwa n’ibyamamare bitandukanye mu muziki no muri sinema uretse ko bwabaye mu ibanga ryabo ntibigera bahamagara itangazamakuru ngo ribitangaze ubwo bwarimo buba nk’uko ibindi byamamare byo muri Amerika bisazwe bibigenza.

Selena Gomez, ubu w’imyaka 33, na Benny Blanco, w’imyaka 37, bemeranyije kubana nku mugabo n'umugore nyuma y’umubano wabo watangiye muri 2024 uretse ko mbere yaho bari basanzwe ari inshuti bisanzwe gusa muri 2024 bemeje ko bakundana.

Mu kwezi kwa Werurwe uyu mwaka, abo bombi nibwo basohoye album yabo bise ‘I Said I Love You First’ aho bavuze ko yari ishingiye ku rukundo rwabo bari ba mazemo umwaka umwe uretse ko n'ubundi bari basanzwe barakoranye izindi ndirimbo zakunzwe n’abatari bacye mbere nka Same Old Love yasohotse muri 2015, ndetse na Can’t Get Enough yasohotse muri 2019.