Ku itariki 30 Werurwe 2026 Urukiko Rukuru rwa Kigali rwahamije Moses Turahirwa igifungo cy'imyaka itatu n'ihazabu ya miliyoni 2 Frw, icyo gihano yakijuririra mu byitwa gutakamba mu rukiko rw'Ubujurire iyo ari igihano icyo ari cyo cyose. 

Inzira asigaranye zitwa inzira z'akarengane. Yemerewe gutakambira Urukiko rw'Ubujurire.

Iyo Perezida yumvise ubusabe bwe ko bufite ishingiro, Perezida agena Urukiko rundi ruzamuburanisha n'inteko y'Abacamanza batatu.

Perezida w'Urukiko rw'Ubujurire yandikira Perezida w'Urukiko rw'Ikirenga noneho nawe akiga dosiye akareba ko akwiriye guhabwa andi mahirwe. Perezida w'Urukiko rw'Ikirenga yemerewe kugena Urukiko ruzamuburanisha. 

Amategeko avuga ko iyo watsinzwe wemerewe gutanga ikirego mu rw'Ubujurire. Perezida yemerewe kwemera ako karengane cyangwa se ntabyemere. 

Ku wa 30 Werurwe 2026 Urukiko Rukuru rwa Kigali rwakatiye Turahirwa Moses igifungo cy'imyaka itatu n'ihazabu ya miliyoni 2 z'amafaranga y'u Rwanda.

Mu 2024 Urukiko Rwisumbuye rwa Gasabo rwahamije Moses Turahirwa ibyaha bibiri; Gukoresha inyandiko mpimbano n'icyaha cyo gukoresha ibiyobyabwenge. 

Kubera ko atari yanyuzwe n'imikirize y'urubanza, yaregeye Urukiko Rukuru arusaba ko yasubikirwa igifungo,umwanzuro waje utesha agaciro ubusabe bwe.

Moses Turahirwa azasoza igihano cy'umwaka umwe yakatiwe agahamwa no gukoresha ibiyobyabwenge. Icyo gihano kizarangira muri Mata 2026 ahite akomerezaho imyaka itatu.