Ubundi abantu bahuje imyemerere bagatahirije umugozi umwe iyo hagize umwanzi ubagabaho igitero. Kuri ubu imyemerere isa nk'aho ari ahantu ho kwikinga udakomeje noneho wabona bikaze ugakuramo akawe karenge.

Iran ni igihugu kigendera ku matwara akaze ya Kiyisilamu. None kuki ibihugu by'abayisilamu byayitereranye ? 

Byose byatangiye nyuma y'impinduramatwara yo mu 1979 ubwo Iran yiyemeza guhangana n'Uburayi, Israel n'Amerika.

Mbere y'1979 Iran yari umunywanyi w'Uburayi n'Amerika. Idini rya Islam ririmo ibyiciro bibiri;Hari Abasuni bagize 90% n'Abashiya bagize 10%.

Iran rero ituwe n'Abashiya mu gihe ibihugu byo mu Burasirazuba bwo hagati ari Abasuni. Iran ikoresha Itegekonshinga rigendera ku myemerere n'umuyobozi w'ikirenga Ayatollah akaba ari we ufatwa nk'umutwe w'igihugu. 

Imyemerere muri Iran ihura n'imiyoborere ku buryo n'Ayatollah ashyirwaho n'akanama k'abayobozi bakuru mu idini kagizwe n'abasaza 88.

Ibihugu bituranye na Iran bikorana n'Amerika ku buryo inabifitemo ibirindiro bya gisirikare. 

Ibyo bihugu bishyira imbere umutekano n'inyungu z'ubukungu kurusha kubaka ubudahangarwa. Twavuga nka Bahrain, Arabia Saoudite, Misiri, Leta Zunze Ubumwe z’Abarabu, Kuwait, Jordan n'ibindi.

Iran ituwe n'Abaperisi kurenza uko ibindi bihugu bituwe n'Abarabu. Iran ivuga Farsi mu gihe ibindi bihugu bakoresha Icyarabu.

Iran yifuza kuba intare mu gace ituyemo mu gihe ibindi bihugu by'abayisilamu bikorera Amerika n'Uburayi. Arabia Saoudite ifite intego zo kuyobora Abasuni.

Muri make izo nizo mpamvu Iran irwana iri yonyine mu isi by'abayisilamu basaga miliyali ebyiri ikaba ituwe na miliyoni 90 ariko yahagamye Amerika na Israel batuwe na Miliyoni 353.