Urukiko Rwisumbuye rwa Nyarugenge rwageze abere; Hakizinshuti Jonas, Rwamushana Karemera Augustin.

Urukiko kandi rwategetse ko bahita barekurwa nyuma y’uko badahamwe n’ibyaha byo;gufata icyemezo gishingiye ku itonesha, gusezeranya indonke n’icyaha cyo kudasobanura inkomoko y’umutungo. Icyakora abasaga batanu; Rubazinda Callixte yahanishijwe igifungo cy’imyaka ibiri n’amezi atandau n’ihazabu ya 600,000 Frw.

Kwizera Jean Bosco nawe yahanishijwe igifungo cy’imyaka ibiri n’amezi atandau n’ihazabu ya 600,000 Frw. Ndagijimana Jean Philippe nawe yahanishijwe igifungo cy’imyaka ibiri n’amezi atandau n’ihazabu ya 600,000 Frw.

Niyongabo Richard yahanishijwe igifungo cy’imyaka ibiri n’amezi atandau n’ihazabu ya 600,000 Frw na Kanyangira John yahanishijwe igifungo cy’imyaka ibiri n’amezi atandau n’ihazabu ya 600,000 Frw. Bahamijwe ibyaha birimo;kwakira indonke,gutanga indonke.

Uko Urukiko rubibona

Urukiko rurasanga kuba KANYANGIRA John na NIYONGABO Richard bahamwa n’icyaha cyo kwakira indonke kandi kuba NDAGIJIMANA Jean Philippe, KWIZERA Jean Bosco na RUBAZINDA Callixte bahamwa n’icyaha cyo gutanga indonke, bakaba bagomba kubihanirwa. Ingingo ya 49 y’Itegeko No 68/2018 y’Itegeko N0 68/2018 ryo ku wa 30/08/2018 riteganya ibyaha n'ibihano muri rusange iteganya ko “Umucamanza atanga igihano akurikije uburemere bw'icyaha, ingaruka icyaha cyateye, impamvu zatumye agikora, uko uwagikoze yari asanzwe yitwara, imibereho ye bwite n’uburyo icyaha cyakozwemo”.

Urukiko rurasanga nta kigaragaza ko KANYANGIRA John, NIYONGABO Richard, NDAGIJIMANA Jean Philippe, KWIZERA Jean Bosco na RUBAZINDA Callixte bari basanganywe imyitwarire mibi,

bityo rugasanga bakwiye guhanishwa igihano cy’igifungo cy’imyaka 5 n’ihazabu yikubye 3 indonke baregwa, rusanga kandi hari impamvu nyoroshyacyaha zigizwe no kuba ari ubwa mbere bakoze icyaha,kubera izo mpamvu igihano bahawe kikaba kigomba kugabanwa maze

KANYANGIRA John agahanishwa igifungo cy’imyaka ibiri n’amezi atandatu (2ans+6mois) n’ihazabu ya 1,260,000Frw. NIYONGABO Richard agahanishwa igifungo cy’imyaka ibiri n’amezi atandatu (2ans+6mois) n’ihazabu ya 600 000Frw, NDAGIJIMANA Jean Philippe agahanishwa igifungo cy’imyaka ibiri n’amezi atandatu (2ans+6mois) n’ihazabu ya 660,000Frw, KWIZERA Jean Bosco agahanishwa igifungo cy’imyaka ibiri n’amezi atandatu (2ans+6mois) n’ihazabu ya 600,000Frw na RUBAZINDA Callixte agahanishwa igifungo cy’imyaka ibiri n’amezi atandatu (2ans+6mois) n’ihazabu ya 600,000Frw, hashingiwe ku biteganywa n’ingingo ya 2 y’itegeko No 059/2023 ryo ku wa 4/12/2023 rihindura itegeko No 68/2018 ryo ku wa 30/8/2018 riteganya ibyaha n’ibihano muri rusange ivuga ko Iyo umucamanza yemeje impamvu nyoroshyacyaha, ashobora kugabanya igihano, igihano cy’igifungo kiva kumezi atandatu kikagabanywa kugeza kuri 1⁄2.

 Ibyaha bahamijwe n’ibihano byabyo

Gusaba no kwakira indonke, icyaha giteganywa kandi kigahanishwa ingingo ya 4 y’Itegeko No 54/2018 ryo kuwa 13/08/2018 ryerekeye kurwanya ruswa. Kudasobanura inkomoko y’umutungo, icyaha giteganywa kandi kigahanishwa ingingo ya 9 y’Itegeko N°54/2018 ryo kuwa 13/08/2018 ryerekeye kurwanya ruswa. Gufata icyemezo gishingiye ku itonesha, ubucuti, icyaha giteganywa akandi kigahanishwa ingingo ya 8 y’Itegeko N°54/2018 ryo ku wa 13/08/2018 ryerekeye kurwanya ruswa.

Gutanga indonke, icyaha giteganywa kandi kigahanishwa ingingo ya 4 y’itegeko No 54/2018 ryo ku wa 13/08/2018 ryerekeye kurwanya ruswa. Gusezeranya gutanga indonke icyaha giteganywa kandi kigahanishwa ingingo ya 4 y’itegeko No 54/2018 ryo ku wa 13/08/2018 ryerekeye kurwanya ruswa.

Ibyo abahamijwe ibyaha n’ababaye abere bakoraga

KANYANGIRA John yari Division manager for Mining Traceability muri RMB, NIYONGABO Richard wari Division Manager for Mining Cadeter and Digital Information muri RMB na RWOMUSHANA Karemera Augustin wari Division Manager for Mineral market and Strategy

division muri RMB. Bari abakozi ba RMB baregewe Urukiko bakekwaho kuba baragiye bahana gahunda n’abacukuzi b’amabuye y’agaciro babaga basaba serivise zo guhabwa ibyangombwa by’ubucukuzi

bw’amabuye y’agaciro (Mining Licence), cyangwa ababaga basaba tags, bagahura bakabizeza indonke nabo bakabemerera serivise babaga bari gusaba.

RUBAZINDA Callixte ufite Company y’ubucukuzi yitwa Calliane Mines Ltd, Ndagijimana Jean Philippe ufite Company yitwa Gamico Ltd,KWIZERA Jean Bosco ufite Company yitwa DUMAC Ltd, na HAKIZINSHUTI Jonas ufite Company yitwa Ets HAJOS nabo barezwe bakekwaho ko aribo bahanye gahunda n’abakozi ba RMB bakabasezeranya indonke nabo bakabaha Service kubera indonke babahaga cyangwa babasezeranyaga.

Umwanzuro w’Urukiko Rwisumbuye rwa Nyarugenge wasomewe mu ruhame Ku wa 12 Werurwe 2026.