Umuvugizi w'Urwego rw'Ubugenzacyaha RIB, DR Murangira B.Thiery yabwiye UKWELITIMES ko Sky2 w'imyaka 30 y'amavuko akurikiranyweho ibyaha bibiri. 

Icyo gukubita no gukumeretsa ku bushake n’icyaha cyo guhoza ku nkeke uwo bashyigiranywe aho yakubise umugore we basezeranye byemewe n’amategeko akamukomeretsa ndetse akanamuruma ugutwi ku buryo bubabaje ku itariki 5 Gicurasi 2026. 

Sky2 arakekwa kuba mu bihe bitandukanye yaragiye akubita umugore we ndetse no kumuhoza ku nkeke. Ibi bikaba byarabereye mu Karere ka Gasabo, Umurenge wa Nduba, Akagari ka Gasanze, mu Mudugudu w’Agatagara. 

Kuri ubu Sky2 afungiye kuri Station ya RIB ya Nduba mugihe dosiye iri gutunganwa kugirango izohererezwe Ubushinjacyaha.

 Ibyaha akurikiranweho: gukubita cyangwa se gukomeretsa ku bushake, icyaha giteganwa n'ingingo ya 11 y’itegeko Nº 059/2023 ryo ku wa 04/12/2023 rihindura itegeko Nº 68/2018 ryo ku wa 30/08/2018 riteganya ibyaha n’ibihano muri rusange.

Uhamijwe n'Urukiko icyo cyaha ahabwa igifungo kuva ku mezi 6 ariko kitarenze umwaka 1 n’ihazabu itari munsi ya 100,000 frw ariko itarenze 300,000 Frw. Icyaha cya kabiri ni uguhoza ku nkeke uwo mwashyingiranywe.

 Gihanwa n'ingingo ya 147 y’itegeko N068/2018 ryo ku wa 30/08/2018 riteganya ibyaha n’ibihano muri rusange.

Ugihamijwe n'Urukiko ahanishwa igifungo kuva ku mwaka 1 ariko kitarenze imyaka ibiri. 

Sky2 yatawe muri yombi

Ubutumwa bwa RIB 

RIB iributsa umuntu wese ukora icyaha nk'iki cyo gukubita no gukomeretsa ku bushake n’icyaha cyo guhoza ku nkeke uwo bashyigiranywe cyangwa ibindi byaha ibyaribyo byose ko atazihanganirwa azafatwa agafungwa ikaba inibutsa abantu ko ari ibyaha bihanwa n’amategeko.