Aya masezerano arebana n’ubufatanye mu bijyanye n’abimukira ndetse n’akazi ku bagize imiryango y’abakora mu butumwa bwa dipolomasi n’ubundi butumwa bwa Leta buri gihugu gifite mu kindi.

Mu muhango wo gusinya aya masezerano, Ambasaderi w’u Rwanda mu Bufaransa, François Nkulikiyimfura, Laurent Touvet, ushinzwe ibijyanye n’abanyamahanga mu Bufaransa muri Minisiteri y’Umutekano w’Imbere mu Gihugu, hamwe na Ambasaderi w’u Bufaransa mu Rwanda, Aurélie R. de Saint Quentin, bagaragaje ko aya masezerano ari intambwe ikomeye mu gukomeza guteza imbere umubano n’ubufatanye hagati y’ibihugu byombi.

Abayobozi bitabiriye uwo muhango bashimangiye ko aya masezerano azafasha koroshya ubufatanye mu bijyanye n’imicungire y’abimukira no guteza imbere imibereho y’imiryango y’abahagarariye ibihugu byabo mu butumwa bwa dipolomasi.

Gusinyana aya masezerano bibaye mu gihe umubano hagati y’u Rwanda n’u Bufaransa ukomeje gutera imbere mu nzego zirimo ubukungu, ikoranabuhanga, uburezi, ibikorwa byo kurengera ibidukikije ndetse n’izindi gahunda z’iterambere zihuriweho n’impande zombi.