Ku wa 30 Mata 2026 Urukiko rw'Ibanze rwa Gasabo rwasomye umwanzuro w'urubanza Ubushinjacyaha bukurikiranyeho Niyigaba Clement uzwi mu itangazamakuru nka DC Clement. 

Hari ingingo yatanze yifuzaga ko yafungurwa agakurikiranwa ari hanze. Izo ngingo zirimo inzu yatanze nk'ingwate, abamwishingira babiri barimo Ntaganda Tharcisse na Manzi Barinda. 

Dore uko Urukiko rubibona

Ingingo ya 10 agace ka 1 y'Itegeko nº 058/2023 ryo ku wa 04/12/2023 rihindura Itegeko nº 027/2019 ryo ku wa 19/09/2019 ryerekeye imiburanishirize y’imanza z’inshinjabyaha iteganya ko, Umucamanza uburanisha ikirego cy’Ifunga ry’agateganyo afite inshingano zirimo gusuzuma niba hari impamvu zikomeye zituma ukekwaho icyaha yafungwa by’agateganyo.

 Ingingo ya 66 y’Itegeko Nº 27/2019 ryo kuwa 19/09/2019 ryerekeye imiburanishirize y’imanza z’inshinjabyaha, iteganya ko “Ukekwaho icyaha akurikiranwa adafunze. Ashobora ariko gukurikiranwa afunze iyo hari impamvu zikomeye zituma akekwaho icyaha amategeko ahanisha nibura igihano cy’igifungo cy’imyaka ibiri (2).

Urukiko rusanga kuba hari impamvu zikomeye zituma Niyigaba Clement acyekwaho icyaha cyo guteza imvururu muri rubanda , Kurwanya ububasha bw’amategeko, Kwangiza cyangwa konona ikintu cy’undi, n’icyaha cyo Gukubita cyangwa kugirira urugomo abayobozi mu nzego za Leta,hashingiwe ku buremere bw’ibi byaha acyekwaho agomba gukurikiranwa afunzwe by’agateganyo mu gihe cy’iminsi 30.

Urukiko rusanga impamvu ashingiraho asaba ko akurikiranwa adafunze y'uko ariwe wita ku muryango we ugizwe n’abana b’impanga ndetse n’uburwayi bw’umugore we bikaba bitatuma afungurwa kuko atagaragaza ko mu gihe amaze akurikiranwaho ibi byaha kuva yafatwa kuko hashize igihe cy’ukwezi hari ingaruka zageze ku muryango we ku buryo byashingirwaho arekurwa.

Urukiko rusanga kandi ibyo avuga ko ariinyangamugayo ,afite umuryango n’umwirondoro uzwi nabyo bitashingirwaho ngo akurikirane adafunze naho ku bijyanye n’uko afite ingwate n’abushingizi bemera kumwishingira ,rusanga ingwate yatanzwe y’umutungo we n’abishingizi batemewe kuko biri mu bushishozi bw’umucamanza kwemeza niba umwishingizi yakwemerwa nkuko biteganywa n’ingingo ya 82 CPP,hashingiwe ku buremere bw’ibi byaha Niyigaba Clement acyekwaho n’ingaruka byateje byashingirwaho arekurwa.

 Urukiko rusanga kandi ibyo avuga ko ari inyangamugayo ,afite umuryango n’umwirondoro uzwi nabyo bitashingirwaho ngo akurikirane adafunze naho ku bijyanye n’uko afite ingwate n’abishingizi bemera kumwishingira , rusanga ingwate yatanzwe y’umutungo we n’abishingizi batemewe kuko biri mu bushishozi bw’umucamanza kwemeza niba umwishingizi yakwemerwa nkuko biteganywa n’ingingo ya 82 CPP,hashingiwe ku buremere bw’ibi byaha Niyigaba Clement acyekwaho n’ingaruka byateje.