Icyakora hari ikinyobwa cya’Larger’ kitarimo umusemburo usindisha na cyo kiba kifitemo vitamine B6. Ikigo cy’ubuzima NHS cya Leta y’Ubwongereza cyasobanuye ko abagabo bakenera nibura 1.4mg ku munsi naho abagore bakenera bakenera 1.2mg za Vitamine B6.

Prof Michael Rychlik wakoze ubu bushakashatsi yavuze ko ibikoresho bikoreshwa mu gukora inzoga birimo sayiri. Iyi sayiri ni ikimera cyo mu muryango w’ibyatsi mu bwoko bwa monocotyledonous. Ibindi byifashishwa mu nzoga birimo ingano,umusemburo byose bikaba bikungahaye kuri vitamin B6. Icyakora abatanywa inzoga bagirwa inama yo kurya, ibirayi, amashaza na’Oats’ amafi n’inyama zisanzwe kuko zinguhaye kuri iriya Vitamine B6. Ubwo bushakashatsi bwerekana ko byeri yo mu Budage izwi nka’bock’ niyo basanzemo B6 ku kigero cya 6.5%.

Ubushakashatsi bwakorewe ku moko 65 ya byeri yaguzwe ahantu hatandukanye mu Budage yabonye ko Bock ifite igipimo kinini cya B6, ikurikirwa na ‘Larger’ z’umukara na byeri z’ingano. Byeri z’umuceri ni zo zari zifite B6 nkeya. Byeri zidasembuye zanakuwemo ethanol nyuma yo kuzitara zari zifite B6 iri hejuru. Byeri ya ‘Larger’ isanzwe yari irimo 20% iba ikenwe ku ifunguro.