Ku munsi w'ejo hashize tariki 29 Nzeri 2025, nibwo itangazamakuru ryamenyeshejwe ko Ayubu Hakizimfura wari usanzwe akora muri AS Kigali, yagizwe ushinzwe ibikoresho by'ikipe y'igihugu y'u Rwanda Amavubi.

Uyu mugabo wahawe aka kazi mu ikipe y'igihugu, aje gusimbura Tuyisenge Eric uzwi nka Cantona wari usanzwe muri izi nshingano mu gihe kitari gito gishize ariko ubu urimo gukurikiranwaho ibyaha byo kunyereza imitungo y'ishyirahamwe ry'umupira w'amagaru hano mu Rwanda.

Akazi ko gucunga ibikoresho by'ikipe y'igihugu y'u Rwanda Amavubi, ubwo bigiye mu nshingano z'abarimo Ayubu Hakizimfura ndetse na Rujugiro umaze igihe atwaza ibikoresho ikipe y'igihugu y'u Rwanda.

Eric Cantona yatawe muri yombi akurikiye Kalisa Adolphe uzwi nka Camarade byamaze kwemezwa n'urukiko rw'ibanze rwa Gasabo ko afunzwe iminsi 30 y'agateganyo, ni mu gihe Cantona we ategerejwe kujya imbere y'urukiko kuburana ku byaha ashinjwa kuri uyu wa Gatanu tariki 3 Ukwakira 2025.

Ayubu Hakizimfura amaze igihe akora akazi ko gucunga ibikoresho muri AS Kigali 

Tuyisenge Eric yasimbuwe nyuma y'igihe ari we uri muri izi nshingano