Ni umukino wabaye mu ijoro ryacyeye tariki 2 Mata 2026, aho hari hari gukinwa imikino yo kwishyura ya ¼ cya UEFA Champions League y’abagore. Umukino wari ukomeye kurusha indi ni uwahuje FC Barcelona na Real Madrid bijyanye n’amazina zifite.

Ni umukino waje benshi baziko Real Madrid ishobora kuza kwihagararaho kuko umukino ubanza yari yatsinzwe mu buryo bukomeye cyane. FC Barcelona yaje gutsinda ikipe ya Real Madrid ibitego 6-0 mu mukino wo kwishyura. Umukino ubanza hagati y’aya makipe yombi wari warangiye FC Barcelona itsinze ibitego 6-2.

Uteranyije imikino ibiri FC Barcelona na Real Madrid zakinnye wabonetsemo ibitego 12-2. Muri uyu mukino wo kwishyura FC Barcelona yatsindiwe na Alexia Putellas ku munota wa 8, Caroline Graham Hansen ku munota wa 15 na 55, Irene Paredes ku munota wa 27, Ewa Pajor ku munota wa 34 ndetse na Esmee Brugts ku munota wa 74. Uyu mukino wari iw'ibyishimo byinshi kuri Alexia Putellas kuko yujuje imikino 500 nk'umukinnyi wa FC Barcelona y'abagore.

Ntabwo uyu mwaka wagendekeye neza Real Madrid y’abagore kuko yatsinzwe ibitego byinshi na FC Barcelona wabonaga uyu mwaka yarayirushije cyane. Kuva uyu mwaka w’imikino wa 2026 watangira, ikipe ya Real Madrid imaze gutsindwa na FC Barcelona ibitego 17 yo yinjiza ibitego 2 gusa.

FC Barcelona nyuma yo gusezerera Real Madrid mu buryo bukojeje isoni, izahura na FC Bayern Munich muri ½. Umukino ubanza uzabera mu Budage tariki 25 Mata 2026, maze uwo kwishyura ubere Camp Nou tariki 2 Gicurasi 2026. FC Barcelona muri Shampiyona ya Espagne iri ku mwanya wa 1 n’amanota 69, irarusha Real Madrid amanota 13.

Alexia Putellas yujuje imikino 500 akinira FC Barcelona