Repubulika ya Kiyisilamu ya Iran yatangaje ko yateguye abasirikare basaga miliyoni zirindwi bo kurwana n'abasirikare ba Leta Zunze Ubumwe z'Amerika.

Mohammad-Bagher Ghalibaf uyobora inteko ishingamategeko yavuze ko abaturage bafite ubushake bwo gufasha igihugu mu guhangana n'umwanzi.

Aba baturage binjiye mu gisirikare nyuma y'ubukangurambaga bwakoze mu gushaka imbaraga zo guhangana n'Israel na Leta Zunze Ubumwe z'Amerika bateye Iran.

Yagize ati"Mwateye urugo rwacu,twiteguye kurwana. Nimuze". Uyu muyobozi yavuze ibi mu gihe Amerika yohereje abasirikare bo ku rwana intambara yo ku butaka,bakaba bari mu bihugu Amerika ifitemo ibirindiro bya gisirikare mu Burasirazuba bwo hagati. 

Kugeza ubu iyi ntambara iri ku munsi wa 35 aho intambara y'indege zitagira abapilote,misile n'ibisasu birasirwa kure ikomeje.

Amerika na Israel barasa kuri Iran, nayo ikihimura irasa mu bihugu bifite ibirindiro by'ingabo z'Amerika. Iran ituwe na miliyoni 93.

Iza ku mwanya wa 17 mu bihugu bituwe cyane ku isi. Umubare munini w'abaturage uza mu kigero cy'imyaka 32-35 y'amavuko.

Umurwa mukuru Tehran ituwe na miliyoni 9. Mu 20250 Iran izaba ituwe na miliyoni 100. Abagabo bagize 50.8% mu gihe abagore ari 49.2%.