Nibura abantu 32 bapfuye abandi bagera ku 100 barakomereka mu gitero cya misile ebyiri Burusiya  bwagabye mu mujyi wa Sumy wo muri Ukraine 

Perezida wa Ukraine, Volodymyr Zelenskyy, yashinje Uburusiya kuba bwarakoze igikorwa cy’iterabwoba nkana kandi avuga ko hakenewe ingamba zikomeye zigomba gufatwa  n’Amerika, Uburayi ndetse n’isi yose.

Minisitiri w’ububanyi n’amahanga wa Ukraine witwa Andrii Sybiha avuga ko kugaba igitero nka kiriya ku munsi w’Imana( ku Cyumweru) ari igikorwa cya Sekibi.

Avuga ko ababishinzwe mu gihugu cye bari gutegura ibisobanuro birambuye kuri kiriya gitero gifatwa nk’icyaha cy’intambara.

Ukraine ivuga ko bibabaje kuba hari hemeranyijwe agahenge ariko bikaba bitangaje kuba Moscow itabyubahirije.