Ni ikibazo ngo kibangamiye ireme ry'uburezi mu gihugu kandi kibangamira ejo hazaza h'urubyiruko nk’uko bitangazwa n’Ikinyamakuru RPAburundi.

 Raporo ya buri gihembwe y'Ikigo gishinzwe kugenzura Uburezi n'iterambere ry'urubyiruko (CREDEJ), kigaragaza ko u Burundi bwari bukeneye abarimu 12.196 mu gihembwe cya mbere cy'umwaka w'amashuri 2024-2025 nyamara, abarimu 642 bangana na 05% bonyine ni bo binjijwe mu kazi.

Iki kinyamakuru gitangaza ko intara za Kayanza, Kirundo na Ngozi zigaragaramo  Ubuke bw’abarimu kuko mu barimu 2500 bakenewe  muri utwo turere, 151 gusa ni bo bahawe akazi.

 Hagati ya Mutarama na Werurwe 2025, amakuru ya CREDEJ agaragaza ko abarimu 68 bo mu mashuri yisumbuye mu ntara za Kayanza, Ngozi na Kirundo baretse akazi naho muri kaminuza nkuru y’Uburundi,abakozi 118 barasezera mu 2020 na 2024.

Kutabona abarimu, ahanini ngo biterwa  n’imishahara idahagije, gukoreshwa cyane bidahwanye n’imishahara bahabwa mu gihe hari n’abandi babona akazi mu mahanga bagasezera. CREDEJ yerekana kandi ko imicungire mibi y’urwego rwuburezi  ari umwe mu mpamvu zikomeye zituma abarimu baba iyanga.