Ibi bitero Ingabo z'u Burusiya zagabye muri Kyiv umurwa mukuru wa Ukraine, byahitanye abantu bane barimo umukozi wakoraga ibikorwa by'Ubutabazi, abandi 25 barakomereka, mu gihe hangiritse inyubako zirenze 20 zirimo ingoro y'Ambasade ya Qatar muri icyo Gihugu.

 Icyo gitero cyahungabanyije tumwe mu duce twa Kyiv kuko abaturage ibihumbi bitandatu bavuye mu byabo kubera ubukonje bukabije bwatewe no kwangiza ibikorwa remezo. Ibi byatumye ibipimo by'ubushyuhe bigera –8°C, bituma ubuyobozi busaba ko bamwe mu baturage bava mu ngo zabo by’agateganyo.

U Burusiya bwahakanye kurasa ibisasu kuri ambasade ya Qatar, buvuga ko igisasu cy'ubwirinzi cya Ukraine aricyo cyateye iryo turika ry'igisasu cyaguye ahakorera Ambasade wa Qatar muri Ukraine ndetse ibyo bitero byangije imiyoboro y'Amshanyarazi muri Kyiv.

Ukraine yatangaje ko uretse ibitero byagabwe muri Kyiv, hari ikindi gitero u Burusiya bwagabye ku mato abiri yari mu nyanja y'umukara. Ayo mato yaragiye gutwara ingano na soya yapfriyemo umunya Syria wari utwaye iyo mizigo. .

Leta Kyiv yatangaje ko Isi ikwiye kumva ijwi rya Ukraine igakora ibishoboka ibitero by'u Busiya bigakumirwa kuko binahitana ubuzima bw'abaturage bayo.

Perezida wa Ukraine Volodymyr Zelensky, yavuze ko ibitero u Burusiya bukomeje kugaba, ibihugu by'amahanga bidakwiye kurebera kuko ibitero by'u Burusiya ingaruka zabyo zigeta ku bihugu nka Poland , Romania na Hungary.

Minisitiri w'Ububanyi n'amahanga wa Ukraine, Andrei Sybiha, yavuze ko iki gihigu kigiye gusaba Akanama k'Umutekano mu Muryango w'Abibumbye ko hafatwa imyanzuro ikomeye ku bitero by'u Burusiya mu gihe ako Kanama gashinzwe umutekano mu muryango w'Abibumbye kazaterana ku wa mbere.

U Burusiya bukomeje kugaba ibitero bikomeye ku butaka bwa Ukraine nyamara hateganywa amasezerano y'amahoro agamije guhagarika intambara. Ni ibiganiro bigomba kuyoborwa na Leta zunze Ubumwe z'Amerika.

Ibitero byagabwe n'Ingabo z'u Burusiya bivugwa ko hakoreshejwemo ibisasu bishya byo mu bwoko bwa misile harimo iyitwa Oreshnik hypersonic . Muri icyo gitero hakoreshejwemo Kandi utudege tutagira abapilote ( Drones) 242 n'ubwoko bwa misile 36. Ibi bitero bivugwa byanakorewe hafi y'ibirindiro bya NATO, Nkuko tubikesha binyamakuru nka Reuters na AFP.

Intambara ya Ukraine n'u Burusiya imaze imyaka hafi 4 kuko yatangiye tariki ya 24 Gashyantare 2022. Abasivili barenga 14000 nibo bamaze gupfa ariko ko umubare w'abasirikare baguye mu bitero ku mpande zombi barenga 400.000.