Ni umukino wabaye mu ijoro ryacyeye tariki 3 Werurwe 2026, aho ikipe ya Real Madrid yari yakiriye Getafe kuri Santiago Bernabea. Uyu mukino waje kurangira ikipe ya Getafe itsinze Real Madrid igitego 1-0.

Ni mukino waremereye cyane ikipe ya Real Madrid kuko nubwo yarushije cyane Getafe ariko mu buryo bwo kugarira yari ihagaze neza cyane. Real Madrid yihariye umupira ku kigero cya 80% ariko kubona igitego biranga kugeza umukino urangiye.

Getafe yari ifite 20% mu buryo bwo kwiharira umupira, itera amashoti atatu yonyine agana mu izamu havamo igitego kimwe cyatsinzwe ku munota wa 39 gitsinzwe na Martin Satriano.

Ikipe ya Real Madrid yateye amashoti 18 yagana mu izamu, arindwi yonyine niyo yakuwemo n’abakinnyi ba Getafe ariko kubona igitego biranga. Real Madrid yakinnye uyu mukino idafite Kylian Mbappe umaze igihe afite ikibazo cy’imvune kandi niwe ukunze kubafasha mu gutsinda ibitego.

Izi kipe zose zasoje umukino zifite abakinnyi 10 gusa mu kibuga kuko ku munota wa 95, Franco Mastantuono yabonye ikarita y’umutuku ku ruhande rwa Real Madrid, naho Getafe ku munota wa 97 nayo ibona ikarita y’umutuku yahawe Adrian Liso.

Ikipe ya Real Madrid nyuma yo gutsindwa yongeye kurushwa na FC Barcelona amanota ane nyuma yaho yo yitsindiye Villarreal CF ibitego 4-1. FC Barcelona iyoboye urutonde rwa Shampiyona n’amanota 64, naho Real Madrid ifite amanota 60.