Mu ijoro rya Cyeye tariki 1 Gicurasi 2025, ikipe ya Manchester United yari yerekeje mu gihugu cya Esipanye gukina umukino ubanza wa 1/2 cya UEFA Europa League n'ikipe ya Atletico Bilbao.

Ni umukino wari mwiza cyane cyane ku ruhande rwa Manchester United kuko hakiri kare yatangiye ibona ibitego kuko ku munota wa 30, Casemiro yaje gutsinda igitego cya mbere ariko nyuma gato Atletico Bilbao iza guhita ibona ikarita y'umutuku yahawe Dan Vivian.

Ikipe ya Manchester United yahise yoroherwa n'umukino kuko yaje guhita ibona Penalite ku munota wa 37, Bruno Fernandes ahita atsindira Manchester United igitego cya Kabiri ndetse ku munota wa 45 aza gutsinda n'igitego cya gatatu.

Ikipe ya Manchester United isa nk'iyamaze gukomeza ku mukino wa nyuma kuko ibitego 3 yabitsindiye hanze ndetse ifite umukino wo kwishyura mu cyumweru gitaha kuri Old Trafford aho isanzwe yakirira.

Nubwo ikipe ya Manchester United yitwaye neza muri iki cyiciro bisa nkaho ku mukino wa nyuma izahura na Tottenham Hotspur kuko nayo yatsindaga BodøGlimt ibitego 3-1 mu mukino ubanza.

Manchester United igeze ku mukino wa nyuma yo na Tottenham Hotspur, waba ari umukino utoroshye kuko aya makipe yose arifuza kuzakina UEFA Champions league umwaka utaha binyuze muri iri rushanwa kuko muri shampiyona y'ubwongereza ntabwo zimerewe neza.

Bruno Fernandes yigaragaje cyane