Ku wa Gatanu tariki 9 Mutarama 2026, nibwo ikipe y’igihugu ya Cameroon na Marocco zakinnye umukino wa 1/4  cy’igikombe cy’Afurika, urangira ikipe ya Marocco itsinze Cameroon ibitego 2-0.

Muri uyu mukino perezida w’ishyirahamwe rya Cameroon, Samuel Eto’o Fils yagaragaje kutishimira imisifurire ndetse abigaragaraza ari imbere y’abanyacyubahira batandukanye baturutse muri CAF ndetse no muri FIFA.

Mu ijoro ryacyeye tariki 14 Mutarama 2026, nibwo impuzamashyirahamwe y’umupira w’amaguru muri Afurika, CAF, yamenyesheje Samuel Eto’o ko ahawe ibihano byo kumara imikino ine ndetse agatanga ihazabu y’ibihumbi 20 y’Amadorari.

Ntabwo ishyirahamwe ry’umupira w’amaguru muri Cameroon yigeze yishimira iki cyemezo ndetse igaragaza ko habayeho kurenganywa ariko biteguye kujuririra ibi bihano byahawe n’uyu muyobozi wabo.

Ikipe y’igihugu ya Cameroon igiye gukomeza gutegura imikino yo gushaka itike yo gukina igikombe cy’Afurika cya 2027, izatangira muri Werurwe 2026. Iyi kipe kandi yasezerewe mu gushaka itike yo gukina igikombe cy’isi mu itsinda D ryavuyemo Cape Verde.