Ni umukino wabaye kuri uyu wa Kane tariki 11 Ukuboza 2025. Uyu mukino watangiye ku isaha ya saa Kumi n'ebyiri z'umugoroba ubera kuri Kigali Pele Stadium. Wari umukino mwiza cyane urebye imikinire y'amakipe yombi kuko yagerageje gukina umupira mwiza.

Ikipe ya Al Hilal Omdurman hakiri kare cyane yaje gutsinda igitego cya mbere gitsinzwe na Girumugisha Jean Claude ku munota wa mbere, atsinda ikindi gitego ku munota wa 65 ndetse n'uwa 75. Uyu Murundi yitwaye neza muri uyu mukino, kuko yatsinze ibitego bitatu byanahesheje intsinzi iyi kipe.

Ikipe ya Al Hilal Omdurman yinjijwe igitego cya mbere muri Shampiyona y'u Rwanda. Ni igitego cyinjijwe na Bugesera FC gitsinzwe na Saddick Sulley ku munota wa 67, umukino warangira ikipe ya Al Hilal Omdurman itsinze ibitego 3-1.

Ikipe ya Al Hilal Omdurman nyuma yo gutsinda uyu mukino wabaye uwa Kane itsinze muri Shampiyona y'u Rwanda mu mikino itanu imaze gukina. Al Hilal Omdurman ifite amanota 13 kugeza ubu yicaye ku mwanya 9 ku rutonde rw'agateganyo rwa Shampiyona.