Kinyarwanda
English
RDC: Kuva kuri uyu wa Gatanu buri musirikare n’umupolisi aratangira guhembwa umushahara wikubye kabiri
Minisitiri w’imari wa Repubulika Iharanira Demokarasi ya Congo, Doudou Fwamba, yatangaje ko icyemezo cya guverinoma cyo gukuba kabiri imishahara ingabo z’igihugu (FARDC) na Polisi y’igihugu (PNC), gishyirwa mu bikorwa guhera kuri uyu wa gatanu, tariki ya 28 Werurwe 2025.
Iri tangazo rivuga ko buri musirikare n’umupolisi bari buhembwe amafaranga yikubye kabiri uhereye ku ku mushahara w’ukwezi gushize.
Rigira riti” Kuva uyu munsi wa gatanu , buri musirikare n’umupolisi bazashyirirwa kuri konti yabo umushahara wikubye kabiri uhereye kuwo mu kwezi gushize. Iki cyemezo gitangira gukurikizwa guhera ku ya 28 Werurwe 2025.”
Uretse umushara wa buri musirikare n’umupolisi byongerewe, Perezida Tshisekedi aherutse gutangaza ko buri musirikare wese uri ku murongo w’urugamba FARDC ihanganyemo na M23, azajya ahabwa umushahara w’amadorali 500($) avuye ku 100$.
Ibi ngo ni uburyo bwo kubatera akanyabugabo kugirango babashe kwivuna aba barwanyi nyuma y’uko bagiye babirukana mu bice barimo bakigarurira ibice bitandukanye birimo umijyi ya Bukavu na Goma.
