Imwe mu mikino yari itegerejwe cyane ni umukino wahuje ikipe y’igihugu y’u Bufaransa  aho yagombaga gukina na Ukraine. Ni umukino woroheye cyane u Bufaransa nubwo igice cya mbere cyarangiye ikipe zombi zinganya 0-0.

Mu gice cya kabiri ikipe y’igihugu y’u Bufaransa yagarukanye imbaraga nyinshi cyane ndetse biza no kuyihira ibona Penalite hakiri kare itsindwa neza na Kylian Mbappe, Michael Olise atsinda icya kabiri, Kylian Mbappe yongera gutsinda ndetse na Hugo Ekitike atsinda ibitego cya kane.

Uyu mukino wavugishije benshi bijyanye n’uko Kylian Mbappe yongeye kugaragaza ko ari umwe mu bakinnyi beza bahari kuko yatsinze ibitego bibiri atanga umupira umwe wavuyemo ibitego.

Kuri uyu munsi kandi ikipe ya Portugal yakinnye na Ireland mu mukino benshi bari biteze kwitwara neza ku ikipe y’igihugu ya Portugal ariko siko byagenze kuko yatsinzwe ibitego 2-0 ndetse Cristiano Ronaldo ahabwa ikarita y’umutuku nyuma yo gukubita inkokora umukinnyi abishaka.

Cristiano Ronaldo yahawe iyi karita y’umutuku ku munota wa 59. Ikipe y’igihugu ya Portyugal muri uyu mukino urebye uburyo yakinaga ntabwo yagaragaje urwego rwiza ndetse n’abatekerezaga kuyiha igikombe cy’isi batangiye kwisubiraho. Ibi bitego Portugal yatsinzwe byose byabonetse mu gice cya mbere.

Indi mikino yabaye harimo uwahuje Azerbaijan yatsinzwe na Iceland ibitego 2-0, Armenia yatsinzwe na Hungary igitego 1-0, Norway yatsinze Estonia ibitego 4-1, Moldova itsindwa n’u Butaliyani ibitego 2-0, Andora itsindwa na Albania igitego 1-0 naho u Bwongereza butsinda Serbia ibitego 2-0.

Cristiano Ronaldo yahawe ikarita y'umutuku

Kylian Mbappe yaraye atsinze ibitego 2 atanga umupira wavuyemo igitego