Kuri uyu wa kabiri tariki 4 Werurwe 2025 mu masaha y’ijoro, haratangira gukinwa imikino yo gukuranwamo ya 1/8 cya UEFA Champions League.

Umwe mu mikino yitezwe na benshi ni ugomba guhuza ikipe ya Real Madrid irasurwa na Atletico Madrid bihurira mu mujyi umwe wa Madrid.

Uyu ni umwe mu mikino irimo kugarukwaho cyane guhera ku munsi w’ejo hashize tariki 3 Werurwe 2025 bitewe ni uko aya makipe ari amwe mu yayaboye ku mugabane w’iburayi muri uyu mwaka w’imikino.

Ugendeye ku rutonde rwa shampiyona ya Esipanye, ikipe ya Real Madrid ntabwo irimo kwitwara neza muri iyi minsi kuko iheruka gutsindwa na Real Betis bituma ijya ku mwanya wa 3 ariko ikipe ya Atletico Madrid yo imeze neza kuko iri ku mwanya wa kabiri n’amanota 56.

Umutoza wa Real Madrid, Carlos Ancelotti, ku munsi w’ejo hashize yatangaje ko sisiteme arakina ni nk’iyo yakoresheje n’ubundi mu mikino yatsinzemo ikipe ya Manchester City mu mikino ya kamparamaka, aho Real Madrid mu mikino 2 yasezereye Manchester City ku giteranyo cy’ibitego 6-3.

Abakinnyi bafashije Real Madrid gusezerera Manchester City, 2 ntabwo bahari. Umukinnyi wa mbere utaraza kuboneka kuri uyu mukino ni Jude Bellingham utemerewe gukina kubera ibihano ndetse na Dani Cebalos wagize ikibazo cy’imvune.

Abandi abakinnyi badahari ku ruhande rwa Real Madrid barimo Dani Calvajal, Eder Miltao ndetse na Jesus Vallejo, bose bafite imvune bamaranye iminsi.

Ikipe ya Atletico Madrid yo ntabwo ibura abakinnyi benshi kuko babiri gusa nibo badahari. Abakinnyi babura ni Cesal Azpilicueta ndetse na Koke.

Abakinnyi 11 Real Madrid ishobora gukoresha babanje mu kibuga   

Mu izamu: Thibau Courtois

Ba myugariro: Fede Valverd, Raul Asensio, Antonio Rudiger, Ferland Mendy

Abo hagati: Aurelien Tchouameni, Eduardo Camavinga, Ibrahim Diaz

Ba Rutahizamu: Kyliane Mbappe, Vinicius Jr, Rodrygo goes