Ikipe y'igihugu y'u Rwanda Amavubi kuri uyu wa gatanu tariki 21 Werurwe 2025, yakinnye umukino n'ikipe y'igihugu ya Nigeria urangira ikipe y'igihugu ya Nigeria itsinze ibitego 2-0.

Ikipe y'igihugu y'u Rwanda Amavubi yakinnye uyu mukino ubona bafite igihunga cyinshi ndetse iza no kugenda ikora amakosa ari nayo yavuyemo ibitego 2 Nigeria yatsinze byose byari ibya Victor Osmehn.

Ikipe y'igihugu y'u Rwanda Amavubi nyuma yo kubona ko ifite umukinnyi umwe gusa ukomeye ku ruhande rw'iburyo ariko yugarira, yahamagaye undi mukinnyi witwa Noe Uwimana.

Ibi byemejwe na Verginia Tech Athletic ikinamo Noe Uwimana, kuri uyu wa gatanu tariki 21 Werurwe 2025. Iyi kipe ibinyujije ku mbuga nkoranyambaga zayo yatangaje ko uyu musore w'imyaka 20, yahamagawe mu ikipe y'igihugu y'u Rwanda Amavubi.

Tariki 17 Mutarama 2023, nibwo Noe Uwimana yasubiye muri Leta zunze ubumwe z'Amerika nyuma yo guhamagara mu ikipe y'igihugu y'u Rwanda ubwo yiteguraga umukino u Rwanda rwari bukine n'ikipe y'igihugu ya Mozambique mu gushaka itike yo gukina igikombe cy'Afurika ariko akora imyitozo rimwe gusa ahita agira ikibazo cy'imvune ntiyabasha gukoreshwa.

Uyu musore yongeye guhamagarwa nyuma y'imyaka hafi 2 kuva icyo gihe yari yahamagawe bwa mbere. Ku ruhande rw'iburyo bugarira ubwo ikipe y'igihugu y'u Rwanda Amavubi ifite abakinnyi 2 bakomeye barimo Ombarenga Fitina ndetse n'uyu musore ukiri muto witwa Noe Uwimana.

Byitezwe ko Noe Uwimana azakoreshwa naba ameze neza ku mukino ikipe y'igihugu y'u Rwanda Amavubi ifitanye na Lesotho ku wa Kabiri w'icyumweru gihata tariki 25 Werurwe 2025.

Ikipe y'igihugu y'u Rwanda Amavubi kugeza ubu mu itsinda C, igeze ku mwanya wa 3 inyuma ya Afurika y'epfo ifite amanota 10, Benin ifite amanota 8 naho u Rwanda rukaba rufite amanota 7.

Noe Uwimana wari umaze igihe adagaragara yongeye guhamagarwa