Uyu muhango wabaye mu rwego rwo guha icyubahiro abitanze ku bw’igihugu, bagaharanira ubumwe, ubwigenge n’iterambere by’u Rwanda. Perezida Kagame na Madamu Jeannette Kagame bagaragaje icyubahiro n’ishimwe bikomeye ku ntwari zagize uruhare rukomeye mu kubohora igihugu no kucyubaka, zishyira imbere inyungu z’Abanyarwanda.

Gicumbi cy’Intwari kibitse amateka yihariye y’abantu n’ibikorwa by’indashyikirwa byaranze urugendo rw’u Rwanda, kikaba ahantu hakomeye ho kwibukira no kwigira ku ndangagaciro z’ubutwari, ubwitange n’urukundo rw’igihugu.

Uyu muhango wo kunamira Intwari ugaragaza umuhate w’ubuyobozi bw’igihugu mu gukomeza gusigasira amateka y’u Rwanda no kwimakaza indangagaciro z’Intwari, nk’ishingiro ryo gukomeza kubaka ejo hazaza heza h’igihugu.