Kinyarwanda
English
Swahili
Louise Mushikiwabo yitabiriye Ihuriro mpuzamahanga rya Dakar ku mahoro n’umutekano muri Afurika
Umunyamabanga Mukuru w’Umuryango w’Ibihugu bikoresha Igifaransa, Louise Mushikiwabo, yitabiriye Ihuriro Mpuzamahanga ryo ku nshuro ya 10 rya Dakar ku Mahoro n’Umutekano muri Afurika ryabereye muri Senegal.
Iri huriro ryafunguwe ku mugaragaro na Perezida wa Senegal, Bassirou Diomaye Faye, ku wa 20 Mata 2026, rihuza abayobozi bakuru, impuguke n’abafatanyabikorwa batandukanye bagamije kuganira ku bibazo by’umutekano Afurika ihura na byo.
Umuryango w'ibihugu bikoresha ururimi rw'igifaransa uvuga ko iri huriro ari umwanya ukomeye wo kungurana ibitekerezo ku buryo bwo guhangana n’ibibazo by’umutekano bikomeje kwiyongera ku mugabane wa Afurika, ndetse no gushakira hamwe ibisubizo birambye.
Abitabiriye baganiriye ku mbogamizi zitandukanye zirimo amakimbirane, iterabwoba, n’ingaruka z’isi iri guhinduka vuba, banarebera hamwe ingamba zafatwa mu kubaka amahoro arambye n’umutekano ku mugabane.
Ihuriro rya Dakar rikomeje kuba imwe mu nama zikomeye ku rwego mpuzamahanga zifasha Afurika gutekereza ku hazaza h’umutekano wayo no gushimangira ubufatanye hagati y’ibihugu n’imiryango mpuzamahanga.
