Ibi yabitangaje ku munsi w'ejo hashize tariki 9 Ukwakira 2025, ubwo yaganiraga na Movistar agaruka kuri Vinicius Jr ndetse na Lamine Yamal urimo kuvugwa cyane muri iki gihe.

Kylian Mbappé ubwo yabazwaga ku mubano we na Vinicius Jr, yavuze ko kugeza ubu umubano wabo ari mwiza ariko umwaka ushize bitari bimeze neza.

Yagize ati " Mfitanye umubano mwiza cyane na Vinicius Jr. Ubu bimeze neza kuruta umwaka ushize kuko tumaze kumenyana neza hagati yacu. Vinicius ni umukinnyi mwiza kandi ufite ubumuntu. Intego yacu n'imwe, ni ugufasha Real Madrid gutwara ibikombe."

Muri iki Kiganiro Kylian Mbappé yagarutse no kuri Lamine Yamal urimo kuvugwa cyane muri iki gihe yaba mu kibuga ndetse n'imyitwarire agaragaza hanze y'ikibuga.

Yagize ati " Abantu bavuga byinshi ku buzima bwite bwa Lamine Yamal, njye numva bagakwiye kumureka wenyine. Mu mupira w'amagaru ni umukinnyi mwiza, ariko mu buzima aracyari umwana muto w'imyaka 18."

Kylian Mbappé uyu mwaka yawutangiye neza ndetse arimo gufasha cyane Real Madrid. Uyu musore amaze gutsinda ibitego 9 muri shampiyona ya Espagne ndetse n'ibitego 5 muri UEFA Champions League.

Kylian Mbappé na Vinicius Jr bameranye neza

Kylian Mbappé yasabye abantu kureka kuvuga Lamine Yamal