Kinyarwanda
English
Swahili
DRC: Buri minota 30 umwana w’umukobwa afatwa ku ngufu
Ishami ry’Umuryango w’Abibumbye ryita ku bana (UNICEF) ryagaragaje ko umwana w'umukobwa w'Umunyekongo akorerwa ihohoterwa rishingiye ku gitsina buri minota 30 mu Burasirazuba bwa Repubulika Iharanira Demokarasi ya Kongo (DRC).
UNICEF yabigaragarije mu kiganiro n’abanyamakuru cyabaye ku ya 11 Mata 2025 i Geneve mu Busuwisi.
James Elder, umuvugizi wa UNICEF, yavuze ko nibura abana bagera ku 10,000 bakorewe ihohoterwa rishingiye ku gitsina hagati ya Mutarama na Gashyantare 2025.
James Elder, avuga ko aba bana baba bahohotewe batabona ubuvuzi mu gihe bahohotewe cyangwa bakananduzwa virusi itera SIDA, ndetse n’ubuvuzi bwo mu mutwe hamwe n’ubufasha mu by'amategeko.
Yongeyeho ko mu gihe iri hohoterwa ryaba rikomeje , abana 250.000 bashobora gutakaza uburyo bwo kubona izindi serivisi zo kubarinda mu byumweru 12 biri imbere.
Ubushakashatsi bugaragaza ko intambara zigenda zibera mu Burasirazuba bwa Congo, arizo zitiza umurindi ihohotera rikorerwa abana nk'uko Radio Okapi ibitangaza.
