Watermelon ni urubuto runini rumeze nk’igihaza, ruvugwa mu buryo butandukanye.

Hari bamwe bavuga ko ari imwe mu ntwaro ya mbere abagore batandukanye muri iki gihe bari gukoresha kugirango bashimishe abagabo babo.

Urubuga rwa Wikipedia ruvuga ko Watermelon ari ubwoko bw’imbuto ziribwa rugizwe na 92% by’amazi na 6% by’isukari.

Abantu benshi bakunda kurya izi mbuto mu gihe cy’impeshyi kuko zikonja.

Watermelon ibamo Vitamin A,C,B6 na B1.Habamo kandi imyunyu ngungu ya potassium, magnesium, carotenoid na lycopene.

Ikunze kuboneka mu bihugu bya Afurika y’Amajyepfo, ariko muri iki gihe yageze no mu Buhinde ndetse n’u Bushinwa. 

Watermelon ishobora gukorwamo divayi cyangwa ikavangwa n’izindi mbuto igakorwamo umutobe.

Kuba igizwe n’amazi menshi, hari abayifashisha bashaka gushira inyota ndetse ari nako bafata kuri izo ntungamubiri zose ziyirimo.

Nyamara, bivugwa ko hari abandi cyane cyane abagore bayikoresha nk’umuti ku bagore batagira ububobere mu gitsina, cyangwa abashaka kubwongera ngo abagabo babo bishime.

Mu mujyi wa Kigali usanga uru rubuto mu maresitora menshi yiyubashye aho iba iri ku meza kugira ngo uwumva uyishaka aze kuyirenza ku biryo uretse ko hari n’abayirya mbere yo gufata andi mafunguro, yewe ubu hari n'abagenda bazicururiza mu nzira.

Mu masoko ndetse n’ahandi hantu usanga watermelon yungura abayigurisha. Imwe ishobora kugurishwa hagati y’amafaranga y’u Rwanda ibihumbi 3 cyangwa na 3500.

Ibi byatumye nk'umunyamakuru negera bamwe mu bagore n’abakobwa bayirya ndetse n’abayicuruza ngo nsobanukirwe by’imvaho iby’iyi mbuto.

Kamikazi Fiona w’imyaka 26 utuye mu Murenge wa Muhima mu Karere ka Nyarugenge , yabwiye UKWELITIMES ko nawe asigaye akunda kurya Watermelon kubera ko bamubwiye ko yongera ububobere mu gitsina.

Yagize ati “ Nkimara kumva ko yongerera abakobwa n’abagore amazi mu mubiri nanjye nahise nyikunda ntangira kujya nyirya buri munsi ku buryo hari n’igihe nyirya yonyine gusa ntayivangiye n'ikindi kintu.”

Uweza Halimah w’imyaka 27 wo utuye mu Biryogo mu Murenge Nyarugenge mu Karere ka Nyarugenge nawe ashimamgira ko asigaye akunda kurya Watermelon cyane kubera ko bamubwiye ko ituma umugore ashimisha umugabo we mu buriri.

Yagize ati “ Ubu hari ubwo njya mu Biryogo mu marangi ariyo ngiye kuryayo gusa. mbese sinayikundaga ariko nyuma yo kumva ko yongerera amazi igitsina gore nahise mfata icyemezo cy'uko nzajya nyirya nka Gatatuu Cyumweru."

Umugore utarashatse ko izina rye ritangazwa ucuruza Watermelon mu nyubako y'Inkundamahoro mu Murenge wa Kimisagara, yabwiye umunyamakuru ko izo mbuto za Watermelon zimwungura cyane.

Yagize ati “ Nizo ncuruza gusa Kandi zirantunze ku buryo mba numva nta n'ikindi nagurisha, urebye usanga abagore n’abakobwa nibo bazikunda cyane ni nabo bazigura cyane."

Yongeyeho ko mu cyumweru azibonamo nk’ibuhumbi 40 by'inyungu a ashimangira ko Watermelon yoza mu nda ikanongera amazi mu mubiri.

Mu Karere ka Bugesera hasigaye hahingwa imbuto za Watermelon

Watermelon ni urubuto ubundi rugizwe n’amazi ku kigero cya 92%, rukigiramo n’izindi vitamine n’ubutare butandukanye, bituma ari urubato rw’ingenzi ku buzima bw’abantu bakunda kururya. Gusa, imbuto zo muri watermelon na zo zikize ku ntungamubiri.

Imbuto za watermelon zigiramo ubutare bwa zinc, magnesium, potassium, kandi zifasha mu kuringaniza isukari mu maraso, zigafasha umutima kugira ubuzima bwiza no kongera ubudahangarwa bw’umubiri n’ibindi byiza nk’uko bisobanurwa ku rubuga

Urubuga Health.com rutangaza ko watermelon igira uruhare mu kongera ubushake bw’imibonano mpuzabitsina kubera intungamubiri za lycopene na citrulline zongera ubushyuhe mu maraso.

Uru rubuto kandi rufite indi mimaro ku buzima bw’umuntu, nko kurwanya indwara z’umutima, kurinda umwuma mu mubiri, koroshya igogora, gutuma uruhu n’umusatsi bihorana itoto n’ibindi.

Watermelon zicuruzwa mu Rwanda inyinshi zituruka muri Uganda, icyakorwa hari n’izituruka mu Karere ka Bugesera na Nyanza.

Ku meza menshi yo muri restaurant zitandukanye zou Mujyi wa Kigali, ugasanga urubuto rwa Watermelon