Kinyarwanda
English
Swahili
Bruce Melodie agiye kwerekeza muri Tanzania
Bruce Melodie ari mu bikorwa byo kumenyekanisha indirimbo yitwa Pom Pom, iri mu ziharawe muri iyi minsi.
Umuhanzi Bruce Melodie ari kwamamaza indirimbo yakoranye na Diamond Platnumz, Joel Brown. Ni igikorwa yahereye mu Rwanda akurikizaho Kenya.
Ku wa 29 Mutarama 2026 azajya muri Tanzania mu biganiro n'itangazamakuru rikora ibijyanye n'imyidagaduro.
Iyi ndirimbo Pom Pom, Bruce Melodie ari kwamamaza iri kumvwa cyane ku mbuga zicuruza umuziki. Kuri Audiomack imaze kumvwa n'abasaga 514,171. Ku rubuga rwa Boom Play yumviswe n'abarenga 100,000.
Ni mu gihe kuri Spotify abarenga 200,000 bayumvise. Miliyoni zisaga enye (4) zarebye Pom Pom ku rubuga rwa YouTube. Bruce Melodie azakomereza ibikorwa bye muri Nigeria no mu Burayi mu gihe ntacyahinduka kuri gahunda ye.
