Umutoza wa APR FC, Abderrahim Taleb, watangiye Shampiyona atemerwa n'abafana ariko agakomeza kwizerwa n'ubuyobozi bw'iyi kipe, kugeza ubu ni umwe mu bakunzwe n'abafana ndetse n'abakinnyi b'iyi kipe.

Mu ijoro ryacyeye tariki 27 Mutarama 2026, nibwo umutoza wa APR FC, Abderrahim Taleb, yahaye impano abakinnyi b'iyi kipe mbere yo guhura na AS Kigali mu mukino wa 1/2 w'igikombe cy'Intwari.

Iki ni ikimenyetso cy'umubano mwiza uyu mutoza afitanye n'abakinnyi ba APR FC ndetse bigararira mu musaruro mwiza ikipe irimo kubona muri iyi minsi. APR FC iheruka gutwara igikombe cya Super Cup, itsinze Rayon Sports ibitego 4-1 ndetse imaze n'iminsi ibona intsinzi mu buryo bushimishije.

Abakinnyi bagaragarije uyu mutoza ko bishimiye iki gikorwa, bigaragarira mu mashusho agiye atandukanye yasakaye ku mbuga nkoranyambaga, Abderrahim Taleb arimo kubaha iyi mpano bitanga icyizere cyo kwitwara neza mu mikino igiye kuza.

Amakuru twamenye nuko izi nkweto umutoza yahaye abakinnyi ari nziza Kandi ziri ku rwego mpuzamahanga zibarirwa hagati y'ibihugu 200 na 500 y'amafaranga y'u Rwanda.

Ikipe ya APR FC imaze iminsi irimo kwitegura umukino w'igikombe cy'Intwari iraza gukina na AS Kigali. Ni umukino uteganyijwe kuri uyu wa Gatatu tariki 28 Mutarama 2026 ku isaha ya saa Cyenda z'amanwa ubere kuri Kigali Pele Stadium.