Ku wa Gatanu tariki ya 6 Werurwe 2026,  ku gicamunsi mu Burengerazuba bw'umujyi wa Marbooune muri Australia, Polisi yafunze by'agateganyo uwo musigiti usanzwe uyoborwa n'Inama Nkuru y'umuryango w'Abasilamu bita Islamic Council Of Victoria.

Uwo musigiti wafunzwe amasaha make kubera igikapu cyabonetsemo mu nyubako irimo uwo musigiti, abakibonye bakeka ko kirimo igisasu nkuko tubikesha Australian broadcasting Cooperation (ABC)

Abakozi bakora kuri uwo musigiti bamaze kubona icyo gikapu bagize amakenga bakeka ko gishobora kuba cyatezwemo igisasu, babimenyesha ubuyobozi bwabo nabwo bubimenyesha Polisi ndetse mu masaha ya Saa kumi z'umugoroba, umuhanda uhegereye uzwi Jeffcott street wari wamaze gufungwa ndetse umusigiti nawe ufungwa by'agateganyo.

Uwo musigiti wafunzwe mu gihe ku mugoroba hari hateganyijwe gusangira ifunguro ryo ku mugoroba mu gisibo bita ifutari( Iftar) ku buryo abagomba gusangira iftar bari batangiye kugera ku musigiti.

Umuvugizi w'Umuryango Islamic council of Victoria, Muhamad Mohideen yavuze ko icyo gikapu bakibonye mu musigiti harimo abantu 50 mu gihe hari igikorwa cyo gusangira ifutari (Iftar) byahuje abantu 800.

Muhamad avuga ko bamaze kubona icyo gikapu bahamagaye numbero ya Polisi nayo yohereza itsinda rya Polisi rikora iperereza.

Iperereza ryakozwe na Polisi y'Igihugu ya Australia ryagaragaje ko icyo gikapu nta gisasu cyarimo ahubwo harimo inyandiko zigisha kwanga abasilamu. Nyuma yo gusanga igikapu kirimo izo nyandiko, umusigiti wongeye gufungurwa unakoreramo amasengesho ya Nimugoroba.

Umuyobozi w'uwo musigiti Muhamad Mohideen yavuze ko amagambo yari yanditse mu mpapuro babonye yabateye impungenge avuga ko abasilamu bo muri aka gace bakomeje kwibasirwa n'ababatera ubwoba bakomeje kubagaragariza  urwango rweruye mu nyandiko (Islamophobic Material ) dore ko mu ntangiriro z'icyumweru bari babonye ubutumwa bwabateye kugira impungenge z'umutekano wabo.