Mu ijoro ryacyeye tariki 17 Ukwakira 2025, nibwo hasohotse amakuru avuga ko ikipe zirimo Al Hilal Omdurman ndetse na Al Ahli SC Wad Madani zemerewe gukina Shampiyona y’u Rwanda ndetse ziratangira vuba.

Shampiyona y’u Rwanda imaze gukinwa iminsi Itatu ya Shampiyona, ariko birimo kuvugwa ko nyuma y’uyu munsi wa Kane wa shampiyona haraza kwiyongeramo izi kipe ebyiri zikomoka muri Sudani kubera shampiyona yaho imaze igihe ihagaze.

Biravugwa ko Al Hilal Omdurman ndetse na Al Ahli SC wad Madani zizatangira gukina shampiyona ku munsi wa Gatanu wa Shampiyona ariko zigahita zikina imikino yazo vuba ku buryo imikino ibaza ya Shampiyona (Phase Aller), izarangira ntabirarane zifite.

Al Hilal Omdurman irimo gukina imikino ya CAF Champions League, aho ubu irimo gukina imikino yo mu ijonjora rya kabiri aho iheruka gutsinda Police FC ya Kenya, igitego 1-0 mu mukino ubanza. Umukino wo kwishyura uteganyijwe tariki 24 Ukwakira 2025.

Shampiyona ya Sudani imaze imyaka ibiri idakinwa kubera ibibazo by’intambara iri muri iki gihugu kuko yahagaritswe mu mwaka wa 2023. El Merrikh nayo ibarizwa muri iki gihugu yamaze kwemererwa gukina shampiyona ya Libya.

Al Ahli SC Wad Madani na yo yemerewe gukina Shampiyona y'u Rwanda

  Al Hilal Omdurman yo muri Sudani igiye gukina Shampiyona y'u Rwanda