Kinyarwanda
English
Swahili
Abasirikare n’abashinzwe umutekano 489 basoje amasomo y’amezi ane n’igice i Gabiro
Kuri uyu wa 17 Werurwe 2026, abasirikare n’abakozi bo mu nzego z’umutekano bagera kuri 489, barimo ofisiye n’andi mapeti, baturutse mu Ngabo z’u Rwanda (RDF), Polisi y’u Rwanda (RNP) ndetse n’Urwego rw’Igihugu rushinzwe Igorora (RCS), basoje ku mugaragaro amasomo y’umwuga wa gisirikare.
Aya mahugurwa yabereye mu Kigo cy’Amahugurwa cya Gisirikare cya Gabiro, aho yamaze amezi ane n’igice, agamije kubongerera ubumenyi n’ubushobozi mu kazi kabo ka buri munsi, by’umwihariko mu buyobozi no mu igenamigambi rya gisirikare.
Abasoje aya masomo bahawe ubumenyi bubafasha gukora kinyamwuga nk’abayobozi ku rwego rw’Ingamba (company), Isibo (platoon), ndetse no ku zindi nzego zitandukanye za gisirikare. Ibi bikaba biteganyijwe kuzamura imikorere n’imikoranire y’inzego z’umutekano, haba mu gihugu imbere no mu bikorwa byo kubungabunga amahoro.
Ubuyobozi bwagaragaje ko aya mahugurwa ari ingenzi mu kubaka ingabo n’inzego z’umutekano zifite ubushobozi buhambaye, zishobora guhangana n’ibibazo by’umutekano mu buryo bwihuse kandi bunoze.
Abasoje amasomo basabwe gukoresha ubumenyi bahawe mu kurushaho kunoza inshingano zabo, bagakomeza kurangwa n’imyitwarire myiza, ubunyamwuga ndetse no gukorera hamwe mu nyungu z’umutekano w’igihugu.
