Nkuko bitangazwa n'umwe mu banyamakuru bakomeye muri Afurika witwa Micky Junior, avuga ko ikipe ya APR FC ikomeje ibiganiro n'uyu mukinnyi ndetse vuba ashoboro kuyerekezamo.

Kuri uyu wa Gatandatu tariki 28 Kamena 2025, nibwo hamenyekanye ko ikipe ya APR FC yavuganye n'ubuyobozi bwa Berekum Chelsea, butanga amafaranga angana n'ibihumbi 70 by'amadorari(arenga Million 100), ariko iyi kipe yarayanze.

Ikipe ya APR FC biravugwa ko irongera igatanga angana n'ibihumbi 100 by'amadorari ariko ikegukana uyu musore wigaragaje cyane.

Stephen Amankona yavutse muri 2000, afite imyaka 25. Uyu musore akina nka rutahizamu ushobora no gukina aciye ku ruhande. Uyu musore akina muri Berekum Chelsea, niwe watsinze ibitego byinshi saison ishize kuko yatsinze ibitego 15 mu mikino 34. Mu myaka 2 ishize uyu musore amaze gutsinda ibitego 34.

Ikipe ya APR FC niramuka yegukanye uyu mukinnyi araba wa 7 iyi kipe isinyishije muri iyi meshyi. Abakinnyi bamaze gusinya ni Ngabonziza Pacifique, Bugingo Hakim, Iraguha Hadji, Hakizimana Adolphe, Raouf Memel Dao na Ssekiganda Ronald.

Stephen Amankona ibiganiro na APR FC bigeze kure