Mu ijoro ryacyeye tariki 17 Ukuboza 2025, nibwo Paris Saint-Germain yakinnye umukino wa nyuma na Flamengo FC ibarizwa muri Shampiyona ya Brazil. Ni umukino utari woroshye kuko ikipe zombi zaje kurangiza umukino zinganyije igitego 1-1.

Uyu mukino wabereye mu gihugu cya Qatar kuri Sitade yitwa Ahmad bin Ali Stadium. Ikipe ya Paris Saint-Germain hakiri kare cyane yaje gutsindirwa na Khvicha Kvaratskhelia naho Flamengo yo yatsindiwe na Jorginho kuri Penalite.

Nyuma yo kunganya ikipe zagiye muri Penalite igikombe birangira gitwawe na Paris Saint-Germain nyuma yo gutsinda Penalite 2-1. Ibi byatumye iyi kipe yo mu Bufaransa ikora amateka yo kuba mu makipe amaze gutwara ibikombe bitandatu mu mwaka umwe.

Muri iki kinyejana cya 21, ikipe eshatu gusa nizo zatwaye ibikombe bitandatu mu mwaka umwe gusa. Muri izi kipe harimo FC Bayern Munich yabikoze muri 2020 ndetse na FC Barcelona yabikoze mu mwaka wa 2009, hakiyongeraho PSG ibikoze muri uyu mwaka wa 2025.

Ibikombe Paris Saint-Germain yatwaye uyu mwaka birimo Trophée des Champions, gihuza amakipe yatwaye ibikombe mu Bufaransa, 

Igikombe cya Shampiyona y'u Bufaransa (Ligue 1 ), igikombe cy'igihugu (Coupe de France), UEFA Champions League, UEFA Super Cup, ndetse n'iki gihuza imigabane (FIFA Intercontinental Cup).

Paris Saint-Germain ntabwo uyu mwaka w'imikino wavuga ko yatangiye neza cyane nkuko byagenze umwaka ushize bitewe n'imvune yagiye igira ndetse n'abari basanzwe urwego ntabwo rukiri rwarundi. Kugeza ubu muri Shampiyona y'u Bufaransa iri ku mwanya wa kabiri n'amanota 36.