Ibiro ntaramakuru by'Abanyamerika bivuga ko umuvugizi wa Kreml, Dmitry Peskov, yavuze ko abo bayobozi bombi bazagira “ikiganiro gikomeye” ku bibazo bitandukanye kandi bagashyira umukono ku masezerano atandukanye azibanda ku kugarura umutekano.

Peskov yabwiye abanyamakuru ko Qatar ari inshuti akaba n'umufatanyabikorwa mwiza bityo ko u Burusiya bwiteguye ubufatanye.

Ati: “ Qatar ni umufatanyabikorwa wacu mwiza, umubano w’Uburusiya na Qatari uratera imbere cyane, umubano hagati y’abakuru b’ibihugu umeze neza."

Minisitiri w’Ububanyi n’Amahanga  wa Qatar, Mohammed Al-Khulaifi, yatangarije ibiro ntaramakuru bya TASS ko ibiganiro bya Emir na Putin bizibanda  kuri Ukraine, Siriya, akarere ka Gaza.

Perezida wa Leta zunze ubumwe za Amerika, Donald Trump yavuze inshuro nyinshi ko ashaka guhagarika intambara hagati ya Ukraine n’u Burusiya ariko bisa n’ibyabaye ingorabahizi.

Qatar ije  muri ubu buhuza umuhuza ku bihugu bitandukanye byo mu Burasirazuba bwo hagati, mu gihe yari ikataje  no mu guhuza Ubutegetsi bwa Repubulika Iharanira Demokarasi ya Congo n’Abarwanyi ba M23.