Ku cyumweru tariki 14 Nzeri 2025, mu gihugu cy'Ubwongereza hakinwe umukino ukomeye cyane wari wahuje Manchester United na Manchester City urangira Manchester City itsinze ibitego 3-0.

Ni umukino Manchester United yarushijwe cyane ndetse abakinnyi bayo bagorwa cyane na Sisiteme y'umutoza Ruben Amorim biba ari nabyo bituma iyi kipe itazirwa 'Amashitani atukura' itsindwa mu buryo bugayitse.

Nyuma y'umukino Ruben Amorim yatangaje ko Sisiteme ye itemerwa adafite gahunda yo kuyihindura uko byagenda kose.

Yagize ati "Nemera ko atari agahigo Manchester United igiye gushyiraho, hari ibintu byinshi umuntu atamenya. Ariko sinzigera mpindura uburyo bw'imikinire bwanjye. Nkinisha uburyo bwanjye, kandi nzakomeza gukoresha ubwo buryo."

Uyu mutoza yahaye ubutumwa abafana ba Manchester United, abamenyesha ko azagerageza gukora ibishoboka byose ndetse ko ari we ubabaye ku barusha.

Yagize ati "Ubutumwa bwanjye ku bafana, Nzagerageza byose. Ntekereza buri gihe ibyiza ku ikipe. Igihe nkiri hano, nzakora ibishoboka byose. Ibindi si njye ubifataho icyemezo. Ni njye ubabaye kurusha abafana."

Kuva iyi Saison yatangira Ruben Amorim amaze gutsinda umukino umwe muri shampiyona y'Ubwongereza, atsindwa imikino 2 anganya umukino umwe.

Manchester United imaze kwinjizwa ibitego 7 yo yinjiza ibitego 4 gusa. Ubwo ibi bivuze ko Manchester United ifite umwenda w'ibitego 3 mu mikino 4 gusa.

Ruben Amorim yatangaje ko atazahinduka