Don Jazzy washinze sosiye icuruza abahanzi yitwa Marvin Records yakoze ikiganiro kuri Echo Room ahishura ko yigeze kwandikira Ayra Starr kuri Instagram undi amuca amazi. 

Ni ibikubiye mu kiganiro cyahishuriwemo inzira byaciyemo kugirango Ayra Starr yisange mu biganza bya Don Jazzy. 

Mbere ya 2020 Don Jazzy yasabye abamukurikira ku mbuga nkoranyambaga kumwoherereza amashusho y'abanyempano mu kuririmba.

Bamwoherereje menshi ariko akunda imiririmbire ya Ayra Starr. Don Jazzy yiyemeje kumukurikira ngo amenye byinshi kuri we asanga afite ubuhanga budasanzwe.

Muri icyo gihe Don Jazzy yari akeneye amaraso mashya yo guhatana muri Nigeria no ku ruhando mpuzamahanga binyuze muri Afrobeats.

Ntiyatuje ahubwo yafashe umwanya yandikira Ayra Starr kuri Instagram undi aramwihorera rwose. Ubanza atari azi uwo ari guca amazi ko yari afite urufunguzo rw'ubwamamare bwe.

Don Jazzy yakomeje gushaka inzira yazabona Ayra Starr ku bw'amahirwe abona ifoto ari kumwe n'umuvandimwe, yiyemeza kuba ari we anyuraho. Yaramwandikiye kuri Instagram ubundi arabahuza.

Mu 2020 Ayra Starr yasinye muri Marvin Records amara umwaka bamwitaho. Mu 2021 yashyize hanze EP yariho indirimbo yitwa 'Away' yamugize icyamamare.

Kuri ubu Ayra Starr ari gukorana na Roc Nation ya Jay Z mu kwagura izina rye ku ruhando mpuzamahanga. 

Mu 2026 Ayra Starr yishyuwe miliyoni $3 zo kuririmba mu gufungura igikombe cy'isi cy'umupira w'amaguru kizabera mu mijyi 11 yo muri Amerika, Canada na Mexico.