Ku itariki ya mbere Ukwakira 2025, nibwo umutoza w'ikipe y'igihugu y'u Rwanda Amavubi, Adel Amrouche yashyize hanze urutonde rw'abakinnyi 23 bazakoreshwa mu mikino ibiri u Rwanda rurimo kwitegura.

Ni imikino u Rwanda ruzakina n'ikipe y'igihugu ya Benin tariki 10 Ukwakira 2025 kuri Sitade Amahoro ndetse n'uwo izakina n'ikipe y'igihugu ya Afurika y'epfo tariki 14 Ukwakira 2025, muri Afurika y'epfo. 

Mu bakinnyi bahamagawe mu ikipe y'igihugu y'u Rwanda Amavubi harimo umukinnyi mushya uhamagawe bwa mbere witwa Joy Lance Mikels ukina muri Sabah FK yo muri Azerbaijan.

Muri aba bakinnyi ariko kandi ntabwo harimo myugariro ukina ku ruhande rw'ibumoso, Imanishimwe Emanuel 'Mangwende' wari umaze igihe yaravunitse ariko akaba yari yakize. Nkuko UKWELITIMES twabibwiwe na FERWAFA, nuko Mangwende yongewe mu bakinnyi bahamagawe mbere.

Imanishimwe Emanuel 'Mangwende' ni umwe mu bakinnyi bakomeye u Rwanda rufite kugeza ubu ndetse uyu musore ubwo ikipe y'igihugu y'u Rwanda iheruka gutsinda ikipe y'igihugu ya Benin ibitego 2-1, ni umwe mu bitwaye neza cyane.

Biteganyijwe ko abakinnyi bahamagawe mu ikipe y'igihugu y'u Rwanda Amavubi baratangira kugera hano mu Rwanda mu cyumweru gitaha aho abakinnyi baraba bavuye mu makipe bakinira.

Ubuyobozi bwa FERWAFA bwamaze gutangaza ibiciro byo kwinjira ku mukino n'ikipe y'igihugu ya Benin uzabera kuri Sitade Amahoro. Ahasanzwe n'ibihumbi 2, muri VIP n'ibihumbi 20, ibihumbi 30 muri Business seats, VVIP n'ibihumbi 50, muri Executive seats n'ibihumbi 100 ndetse na Milliyoni imwe muri Sky Box.

Imanishimwe Emanuel 'Mangwende' yahamagawe mu ikipe y'igihugu 

Aba nibo bakinnyi bahamagawe mbere mu Amavubi