Ku isaha ya saa Kumi n'ebyiri na 45 z'umugoroba, nibwo iyi mikino yatangiye. Ikipe zirimo Olympiacos yatangiye inganya na Pafos FC ubusa ku busa. Kuri iyi saha kandi habaye n'umukino wahuje ikipe ya Slavia Prague nayo yanganyije na Bodoe/Glimt ibitego 2-2.

Imikino yari itegerejwe na benshi harimo umukino wahuje Chelsea FC na Bayern Munich ari nawo warebwe na benshi bijyanye n'ugukomera kw'aya makipe yombi.

Uyu mukino watangiye ku isaha ya saa tatu z'ijoro, ariko utangirana imbaraga nyinshi ku ruhande rwa Bayern Munich yabonye n'ibitego 2 mu minota 27 gusa. Chelsea FC nayo yaje kwishyuramo igitego 1 igice cya mbere kirangira ari ibitego 2-1.

Igice cya Kabiri n'ubundi FC Bayern Munich yakomezanyije imbaraga nyinshi iza no kubonamo ikindi gitego cyatumye umukino urangira Chelsea FC itsinze ibitego 3-1.

Cole Palmer mu Kiganiro yagiranye n'itangazamakuru nyuma y'umukino, yavuze ko Chelsea FC yagaragaje ko ari ikipe ishobora kuba yakina n'ikipe nziza ku isi.

Indi mikino yabaye Kandi ikomeye harimo uwahuje Liverpool FC na Atletico Madrid. Ni umukino wakomeye cyane mu minota ya nyuma kuko Liverpool FC yatsinze ibitego 2 hakiri kare kuko ku munota wa 6, ibitego byose byari byamaze kuboneka. 

Liverpool FC yaje kwishyurwa na Atletico Madrid ku munota wa 48 n'uwa 81 ariko umukino uza kurangira Virgil Van Dijk arokoye Liverpool FC atsinda igitego ku munota wa 92, iyi kipe itahana amanota 3 byari birangiye.

Muri uyu mukino kandi Alexis Mac Allister yishimiye kuzuza imikino 100 akinira ikipe ya Liverpool FC.

Undi mukino wagarutsweho cyane ni uwahuje Paris Saint-Germain yatsinze Atlanta yo mu Butaliyani ibitego 4-0. Inter Milan kandi nayo yatsinze Ajax ibitego 2-0.

Mu ijoro ryo kuri uyu wa Kane tariki 18 Nzeri 2025, iyi mikino ya UEFA Champions League iraza gukomeza. Imwe mu mikino ikomeye harimo uwurahuza FC Barcelona na Newcastle United ndetse na Manchester City iraza gukina na Napoli. Iyi mikino yose iratangira Saa tatu.

Bayern Munich yatsinze Chelsea FC ibitego 3-1

Liverpool FC yatsinze Atletico Madrid ibitego 3-2

Paris Saint-Germain yatsinze Atlanta ibitego 4-0