Kuri uyu wa Gatandatu tariki 5 Nyakanga 2025, nibwo CAF yatangaje ko ikipe zizitabira imikino nyafurika yaba iya CAF Champions League ndetse na CAF Confederations Cup, zigiye kujya zihabwa amafaranga angana n'ibihumbi 100 by'amadorari( arenga Milliyoni 130 z'amafaranga y'u Rwanda).

Ni amafaranga yakubwe inshuro 2 kuyo CAF yari isanzwe ihereza aya makipe yabaga yitabiriye aya marushanwa nyafurika. Ubusanzwe ikipe zitabira amarushanwa nyafurika zahabwaga amafaranga angana n'ibihumbi 50 by'amadorari (arenga Milliyoni 65 z'amafaranga y'u Rwanda).

APR FC na Rayon Sports nizo zizahagararira u Rwanda mu mikino nyafurika umwaka utaha, zizahabwa nazo ibihumbi 100 by'amadorari yo kwitegura gusa.

Mu myaka ishize ntabwo ikipe yagiraga icyo ihabwa yo yabaga yitabiriye iyi mikino nyafurika ariko umwaka ushize nibwo Perezida wa CAF, Dr Patrice Mutsepe, yatangaje iki kintu atangira ahereza amakipe ibihumbi 50 none iyi saison yagizwe ibihumbi 100 by'amadorari.

Ikipe ya APR FC izahagararira u Rwanda mu mikino ya CAF Champions League nyuma yo gutwara igikombe cya shampiyona ndetse n'igikombe cy'Amahoro. Naho ikipe ya Rayon Sports izakina imikino ya CAF Confederations Cup nyuma yo kugera ku mukino wa nyuma w'igikombe cy'Amahoro ndetse ikaba iya Kabiri ku rutonde rwa shampiyona.

APR FC izakina imikino ya CAF Champions League 

Rayon Sports izakina imikino ya CAF Confederations Cup