Mu ijoro ryo ku wa Gatatu tariki 7 Mutarama 2026, nibwo ku mugabane w'i Burayi hakomeje imikino igiye itandukanye mu bihugu bikomeye kuri uyu mugabane.

Ku isaha ya saa Tatu z'ijoro, nibwo ikipe ya FC Barcelona yatangiye gukina umukino wayo wa 1/2 na Athletic Club mu mukino ya Super Cup irimo kubera mu gihugu cya Arabia Saudite. Ni umukino Athletic Club yatangiye irusha FC Barcelona ariko gutsinda ibitego biranga baza guhita batangira gutsindwa ibitego umusubirizo.

Uyu mukino waje kurangira ikipe ya FC Barcelona inyagiye Athletic Club ibitego 5-0. Ibitego bya FC Barcelona byatsinzwe na Roony Bardghji, Ferran Tores, Fermin Lopez, ndetse na Raphinha watsinze ibitego 2.

Ikipe ya FC Barcelona nyuma yo gutsinda irategereza kureba ikipe izahura nayo ku mukino wa nyuma. Kuri uyu wa Kane, nibwo Real Madrid irakina na Atletico Madrid ku isaha ya saa Tatu z'ijoro.

Ntabwo ari uyu mukino wari utegerejwe gusa kuko mu gihugu cy'Ubwongereza ikipe ya Manchester City nyuma yo gutakaza amanota mu mukino iheruka gukina na Chelsea FC, yongeye gutakaza amanota abiri imbere ya Brighton and Hove Albion nyuma yo kunganya igitego 1-1.

Ibi byongeye kuzamura amanota kuri Arsenal FC yifuza gutwara igikombe cya Shampiyona nyuma y'imyaka irenga 21. Iyi kipe niyo iyoboye urutonde rw'agateganyo rwa Shampiyona kugeza ubu, niramika itsinze umukino ifitanye na Liverpool FC hagati yayo na Manchester City harahita hajyamo amanota 8.

Indi mikino yabaye 

1. Manchester United 1-1 Burnely

2. AFC Bournemouth 3-2 Tottenham Hotspur 

3. Fullham 2-1 Chelsea FC 

4. Newcastle United 4-3 Leeds

5. Everton 1-1 Wolves

6. Brentford 3-0 Sunderland 

7. Crystal Palace 0-0 Aston Villa 

Raphinha yafashije FC Barcelona kunyagira Athletic Club 

Manchester City yongeye gutakaza amanota abiri imbere ya Brighton and Hove Albion