Abatoza, abakapiteni ndetse n’abanyamakuru nibo baba bemerewe gutora muri ibi bihembo bya FIFA ndetse n’abandi bakomeye mu mupira w’amaguru ku isi, andi manota agatangwa n'abari mu kanama nkemurampaka.

Ibi bihembo byaraye bitanzwe benshi bari bategereje kureba niba Osmane Dembele araza kwegukana iki gihembo kuko ari nawe ufite igihembo cya Ballon D’Or cy’umukinnyi wahize abandi muri Saison 2024-2025.

Nkuko byari byitezwe, Osmane Dembele niwe wegukanye igihembo cy’umukinnyi mwiza mu bagabo maze mu bagore iki gihembo cyegukanwa na Aitana Bonmati. Umutoza w’umwaka yabaye Luis Enrique utoza Paris Saint-Germain.

Muri ibi bihembo abanyarwanda babashije gutora barimo Cassa Mbungo Andre umutoza w’ikipe y’igihugu y’abagore, umunyamakurukazi, Annet Mugabo, Umutoza w’ikipe y’igihugu, Ader Amrouche, Kapiteni w’ikipe y’igihugu y’u Rwanda mu bagabo, Bizimana Djihad, Nsabimana Eddie umunyamakuru wa The Newtimes, ndetse na kapiteni w’ikipe y’igihugu y’u Rwanda mu bagore Ndakimana Angéline.

Uko aba banyarwanda batoye mu bihembo byatanzwe na FIFA

Umukinnyi w’umwaka mu bagabo

Bizimana Djihad: Achraf Hakimi, Ousmane Dembélé na Lamine Yamal. Adel Amrouche: Achraf Hakimi, Kylian Mbappé na Mohamed Salah.
Nsabimana Eddie: Ousmane Dembélé, Lamine Yamal na Kylian Mbappé.

Umutoza w’umwaka mu bagore

Bizimana Djihad: Luis Enrique, Arne Slot na Mikel Arteta.
Adel Amrouche: Roberto Martínez, Luis Enrique na Hansi Flick.
Nsabimana Eddie: Luis Enrique, Enzo Maresca na Hansi Flick.

Umukinnyi w’umwaka mu bagore

Casa Mbungo: Lucy Bronze, Alexia Putellas na Temwa Chawinga.
Ndakimana Angéline: Sandy Baltimore, Patri Guijaro na Leah Williamson.
Annet Kamukama: Alessia Russo, Leah Williamson na Clàudia Pina.

Umutoza w’umwaka mu bagore

Casa Mbungo: Sonia Bompastor, Renée Slegers na Sarina Wiegman.
Ndakimana Angéline: Renée Slegers, Sarina Wiegman na Seb Hines.
Annet Kamukama: Sarina Wiegman, Renée Slegers na Sonia Bompastor.