Ni indirimo uyu musore agiye gushyira hanze yifashishije abahanzi barimo Afrique, Olimah, Sicha One, Pama ndetse na Mercury Sheks.

Mu kiganiro kigufi, UKWELITIMES twagiranye na Gasana Fidel uzwi nka The Real Gasana, yatubwiye ko guhitamo aba bahanzi yagendeye ku myaka ndetse no kuba bafite amaraso mashya mu muziki nyarwanda.

Yagize ati “ Impamvu nabahisemo, nagendeye ku kuba bafite impano ikomeye ariko kandi bakaba bakiri bato banafite ejo hazaza.”

The Real Gasana yabwiye UKWELITIMES kandi ko atazi niba nyuma y’iyi ndirimbo hari indi azashyira hanze ariko kubera Imana bishoboka.

Yagize ati “ Sintekereza ko nyuma ya ‘Natinatinya’ hari indi nzongera gukora. Nibiba ari ubushake bw’Imana nzakomeza ariko ubu nta gahunda yo gukomeza ihari.”

Iyi ndirimbo ya The Real Gasana, bitegenyijwe ko izajya hanze tariki 10 Nyakanga 2025.

The Real Gasana azwi cyane ku mubuga nkoranyambaga cyane cyane Instagaram ndetse na Tiktok.